ناۋقاستىڭ وكپەسىندەگى ىسىك فليۋروگرافيالىك تەكسەرۋ كەزىندە انىقتالىپ, ونكولوگيالىق ورتالىققا جولداما ارقىلى كەلگەن بولاتىن. وتا جاسالعان كۇنى-اق ناۋقاس جان ساقتاۋ بولىمىنە ەمەس, بىردەن پالاتاعا اۋىستىرىلدى.
ونكولوگيالىق ورتالىقتا ەكى جىلدان بەرى وتانى ۆيدەوتوراكوسكوپيالىق ادىسپەن جاساۋدى قولعا الىنعان. مۇنداي وتانىڭ ارتىقشىلىعى كوپ. ناۋقاس وپەراتسيانى جەڭىل كوتەرەدى جانە اسقىنۋلار وتە سيرەك كەزدەسەدى. سونداي-اق ناۋقاس ناركوتيكالىك انالگەتيكتەر قابىلدامايدى.
«وپەراتسيا بولعان كۇنى ناۋقاس وزدىگىنەن ءجۇرىپ, اۋرۋحانادان 3-4 كۇندە ۇيىنە شىعارىلادى. ايتا كەتەرلىگى, مۇنداي وتادان كەيىن ناۋقاس وڭالتۋدى قاجەت ەتپەيدى. مۇنداي ۆيدەوتوراكوسكوپيالىق ءادىس وكپە قۋىسى ورگاندارىنىڭ كاتەرسىز جانە العاشقى ساتىداعى قاتەرلى ىسىكتەرى كەزىندە قولدانىلادى», دەيدى جوعارى دارەجەلى حيرۋرگ سامات يسمايلوۆ.
ونكولوگتار قالا تۇرعىندارىنا جىلىنا ءبىر رەت فويۋروگرافيالىق تەكسەرىستەن ءوتىپ, وكپەدەن ىسىك بەلگىلەرى تابىلعان جاعدايدا مىندەتتى تۇردە مەديتسينا ماماننىڭ كەڭەسىنە جۇگىنۋدى ەسكەرتەدى.
