ءان دەسە ىشكەن اسىن جەرگە قوياتىن جۇرتشىلىق كەشە كەشكىسىن ەلورداداعى «قازاقستان» ورتالىق كونتسەرت زالىن بەتكە الدى.
ءان دەسە ىشكەن اسىن جەرگە قوياتىن جۇرتشىلىق كەشە كەشكىسىن ەلورداداعى «قازاقستان» ورتالىق كونتسەرت زالىن بەتكە الدى.
مۇندا «قازاقستان» رەسپۋبليكالىق تەلەراديو كورپوراتسياسى اق, قازاق راديوسىنىڭ ءتول جوباسى ءىى حالىقارالىق «دالا داۋىسى» راديوفەستيۆالى جەڭىمپازدارىن سالتاناتتى ماراپاتتاۋ ءراسىمى ءوتتى. اتالعان ءىرى جوبادا راديو تىڭداۋشى جانە كاسىبي ماماندار انىقتاعان ۇزدىك اندەردىڭ ورىنداۋشىلارى ونەر كورسەتتى.
«دالا داۋىسى» راديوفەستيۆالىنە جالپى سانى ءجۇز ورىنداۋشى قاتىسىپ باقتارىن سىناسا, ءتورت نوميناتسيا بويىنشا ونىڭ جيىرماسى جەڭىمپازدار قاتارىنان ورىن الىپ وتىر. اتاپ ايتقاندا, «ۇزدىك ءداستۇرلى ورىنداۋشى» اتالىمىندا ەرلان رىسقالي, ىرىستى سۇلەيمەنوۆا, اقمارال نوعايباەۆا, گۇلميرا سارينا جانە اقمارال ەرىمبەتوۆا ۇزدىكتەر قاتارىنان كورىندى. ال «ۇزدىك ەسترادا ءانشىسى» بولىپ «مۋزارت» توبى, نۇرلان البان, زاعيپا يمانعازيەۆا, ادام, الماس كىشكەنباەۆ جانە V-ALEM, «الاش ۇلى» توبى مەن عاني ماتەباەۆ تانىلدى. «ۇزدىك اكادەميالىق ورىنداۋشى» نوميناتسياسىندا ستانيسلاۆ ني مەن دينا حامزينانىڭ باعى جانسا, «جاڭا ەسىمدەر» قۇرامىن انار قۇماروۆا, مارات مەدەتوۆ (قازاقستان), «دوس» دۋەتى (قحر), فەريال باشەل (تۇركيا), ايداي ءسابيتوۆا (قىرعىزستان), سالتانات بيگۋلينا (رەسەي) تولىقتىردى.
جەڭىمپازداردى مەملەكەت جانە قوعام قايراتكەرى مىرزاتاي جولداسبەكوۆ, قازاقستان رەسپۋبليكاسى پرەزيدەنتى كەڭسەسىنىڭ باستىعى ماحمۇت قاسىمبەكوۆ, «قازاقستان» رەسپۋبليكالىق تەلەراديو كورپوراتسياسىنىڭ ءتورايىمى نۇرجان مۇحامەدجانوۆا, «ەگەمەن قازاقستان» رگ» اق پرەزيدەنتى ساۋىتبەك ابدراحمانوۆ, مادەنيەت جانە اقپارات مينيسترلىگى اقپارات جانە مۇراعات كوميتەتى توراعاسىنىڭ ورىنباسارى ەركەعالي كاربوزوۆ جانە يۋنۋس ەمرە تۇرىك مادەني ورتالىعىنىڭ ديرەكتورى يبراگيم يىلدىرىم سىندى ازاماتتار ماراپاتتاپ, ولارعا اق جول تىلەدى. مىرزاتاي جولداسبەكوۆ جوبانى بولاشاقتا « ۇلى دالا داۋىسى» دەپ اتاۋدى ۇسىنىپ, قايراتكەر اعانىڭ ۇسىنىسى قولداۋ تاپتى.
ءابدىراحمان قىدىربەك,
«ەگەمەن قازاقستان».
