ماقتاارال اۋدانىندا «پۋيد-2» جوباسى جالپى 39796 گەكتار اۋماقتى قامتىپ, 3 باعىت بويىنشا ىسكە اسىرىلۋدا. جوبا اياسىندا 223 كانال, 208 سۋ قاشىرتقىسى, 149 تىك درەناج كۇردەلى جوندەۋدەن ءوتىپ, قايتا قالپىنا كەلتىرىلەتىن بولادى.
جوبانىڭ ءى باعىتى بويىنشا ازەربايجاندىق «اكيليك گرۋپ» كومپانياسى قۇرىلىس جۇمىستارىن جۇرگىزىپ جاتىر. قازىرگى تاڭدا جالپى ۇزىندىعى 68,88 شاقىرىمدى قۇرايتىن 44 كانالدىڭ, 2 تىك درەناجدى ۇڭعىمانىڭ, 37,293 شاقىرىمدى قۇرايتىن 16 قاشىرتقىنىڭ قۇرىلىس جۇمىستارى اياقتالعان.
ءى باعىت بويىنشا جوبا تولىق جۇزەگە اسقاندا ەڭبەكشى اۋىلدىق وكرۋگىنىڭ 5350 گەكتارى, جاڭاجول اۋىلدىق وكرۋگىنىڭ 2650 گەكتارى جانە مىرزاكەنت كەنتىنىڭ 8000 گەكتار اۋماعى جەر استى سۋلارىنان تازاراتىن بولادى.
ءيىرجار اۋىلدىق وكرۋگىنىڭ 7581 گەكتارى, بىرلىك اۋىلدىق وكرۋگىنىڭ 4575 گەكتارى جانە جامبىل اۋىلدىق وكرۋگىنىڭ 4291 گەكتار القابىن جەر استى سۋلارىنان تازارتۋ ءىى باعىت بويىنشا ىسكە اسىرىلۋدا. ول ءۇشىن يراندىق «تۋننەل سااد اريانا» كومپانياسى قۇرىلىس جۇمىستارىن قارقىندى جۇرگىزۋدە.
قازىرگى تاڭدا جالپى ۇزىندىعى 57,806 شاقىرىمدى قۇرايتىن 35 كانالدىڭ قۇرىلىس جۇمىستارى اياقتالدى. 93 دانا باقىلاۋ ۇڭعىماسىندا قۇرىلىس جانە 61 دانا تىك درەناجدى ۇڭعىمالارىندا بۇرعىلاۋ جۇمىستارى سوڭىنا جەتتى.
جالپى ءىى باعىت بويىنشا 16447 گەكتار اۋماقتاعى ۇزىندىعى 337,35 شاقىرىمدى قۇرايتىن ك-16ب, ك-18, ك-18ا كانالدارى تارماقتارىمەن بىرگە, 100 دانا تىك درەناج جانە 262 شاقىرىمدى قۇرايتىن سۋ قاشىرتقىلارى كۇردەلۋ جوندەۋدەن ءوتىپ جاتىر.
پۋيد-2 جوباسىنىڭ ءىىى باعىتى بويىنشا يزرايلدىك «تاحال كونسالتينگ ينجينيرينگ» كومانياسى ۇزىندىعى 307,928 شاقىرىم كانالدى, 130,391 شاقىرىم سۋ قاشىرتقىلارىن كۇردەلى جوندەۋدەن وتكىزۋدە.
بۇگىندە ءىىى كەزەڭ بويىنشا 26,912 شاقىرىمدى قۇرايتىن 8 كانالدىڭ 8,979 شاقىرىمىندا بەتون قۇيۋ جۇمىستارى جۇرگىزىلگەن. سونىمەن قاتار, جالپى ۇزىندىعى 56,109 شاقىرىمدى قۇرايتىن 8 دانا قاشىرتقىنىڭ 50,583 شاقىرىمىندا تازالاۋ جۇمىستارى اتقارىلعان.
ايتا كەتەيىك, اۋدان باسشىسى قۇرىلىسى ءجۇرىپ جاتقان كانالدار مەن ارىق-اتىزداردى ارالاۋ بارىسىندا ورىن الىپ جاتقان كەيبىر كەمشىلىكتەر بويىنشا ءتيىستى سالا باسشىلارىنا تاپسىرما بەردى.
