اتالعان شارا 24-25 جەلتوقسان كۇندەرى تۇركياداعى تونىكوك ەسكەرتكىشىنىڭ 1300 جىلدىعىنا ارنالعان حالىقارالىق عىلىمي-ونلاين سيمپوزيۋم اياسىندا وتكىزىلىپ وتىر. ايتا كەتەيىك, سيمپوزيۋمدى يۋنەسكو تۇركيا ۇلتتىق كوميسسياسى جانە پامۋككالە ۋنيۆەرسيتەتى ۇيىمداستىرعان.
عالىم مىرزاتاي جولداسبەكوۆتىڭ تۇرىك تىلىنە اۋدارىلعان بۇل كىتابىندا ۇلى دالا ادەبيەتىنىڭ كونە داۋىردەگى ارعى تەگى مەن دامۋ كەزەڭدەرى, كەيىننەن كەمەلدەنگەن جاۋھار مۇرا رەتىندە جەر-جاھانعا تانىلۋى, جانرلىق تۇرلەرى بايىپ, جاڭا زامانعا ۇلاسقان ءسوز ونەرىمىزدىڭ الۋان ءتۇرلى ءداستۇر ساباقتاستىعى تەرەڭ زەرتتەلىپ, جان-جاقتى پايىمدالادى. اۆتور ۇلى دالا ادەبيەتىنىڭ مىڭ جىلدان استام بۇرىنعى تاسقا تاڭبالانعان ەجەلگى ماتىندەرىن, قاعازعا تۇسكەن ورتا عاسىرلارداعى نۇسقالارىن, سونىمەن بىرگە حح عاسىر بەدەرىندە اۋىزشا ۇلگىدە دامىعان توكپە اقىن-جىراۋلىق پوەزيانىڭ تۇڭعيىق تابيعاتىن كەشەندى تۇردە جۇيەلەپ, ساراپتايدى.
بەس بولىمنەن تۇراتىن بۇل ەڭبەكتى تۇرىك تىلىنە تۇركيانىڭ پامۋككالە ۋنيۆەرسيتەتىنىڭ وقىتۋشىسى PhD دوكتورى جازيرا وتىزباەۆا تارجىمالاعان. قازاقستاننىڭ تۇركياداعى توتەنشە جانە وكىلەتتى ەلشىسى ابزال ساپاربەك ۇلى باستاماسىمەن ىسكە اسقان اۋدارما جۇمىستارىن ەۋرازيا جازۋشىلار وداعى باسىپ شىعارعان.
تۇساۋكەسەر راسىمىنە قازاقستاننىڭ تۇركياداعى توتەنشە جانە وكىلەتتى ەلشىسى ابزال ساپاربەك ۇلى, فيلولوگيا عىلىمدارىنىڭ دوكتورى, پروفەسسور, بەلگىلى عالىم شاكىر يبراەۆ, فيلولوگيا عىلىمدارىنىڭ دوكتورى, پروفەسسور شايمەردەنوۆا ءنۇريلا, PhD دوكتورى گ ۇلىم شاديەۆا, قازاقستاننىڭ ەڭبەك سىڭىرگەن قايراتكەرى, قوبىزشى القۋات قازاقباەۆ, ت.ب. زيالى قاۋىم وكىلدەرى قاتىستى.
