مەملەكەت باسشىسى نۇرسۇلتان نازارباەۆ وڭتۇستىك افريكا رەسپۋبليكاسىنىڭ پرەزيدەنتى دجەيكوب زۋماعا نەلسون ماندەلانىڭ قايتىس بولۋىنا بايلانىستى جەدەلحات جولدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ وڭتۇستىك افريكا رەسپۋبليكاسىنىڭ پرەزيدەنتى دجەيكوب زۋماعا نەلسون ماندەلانىڭ قايتىس بولۋىنا بايلانىستى جەدەلحات جولدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
قازاقستان پرەزيدەنتى وڭتۇستىك افريكا رەسپۋبليكاسىنىڭ ۇلى پەرزەنتى نەلسون ماندەلانىڭ قايتىس بولعانى تۋرالى قايعىلى حاباردى كۇيزەلە وتىرىپ قابىلداعانىن اتاپ وتكەن.
«الەمگە تانىمال پرەزيدەنت نەلسون ماندەلا – ءوزىنىڭ بۇكىل ءومىرىن كەمسىتۋشىلىك پەن اپارتەيدكە قارسى كۇرەسكە ارناعان, جاڭا دەموكراتيالىق جانە زايىرلى مەملەكەتتىڭ قۇرۋشىسى بولعان ەرجۇرەك كۇرەسكەر. ونىڭ ونەگەلى ءومىرى الەمنىڭ كوپتەگەن حالقىن وزدەرىنىڭ بوستاندىعى ءۇشىن كۇرەسكە جىگەرلەندىرىپ, ازاماتتارىنىڭ جۇرەكتەرىنە ءۇمىت وتىن ۇيالاتتى. بۇل كەمەڭگەر تۇلعانىڭ جارقىن بەينەسى افريكا حالىقتارىنىڭ ۇلت-ازاتتىق كۇرەسى مەن تاۋەلسىزدىگىنىڭ سيمۆولى رەتىندە ادامزات تاريحىندا ماڭگى ساقتالاتىنى ءشۇباسىز», – دەلىنگەن جەدەلحاتتا.
سوڭىندا نۇرسۇلتان نازارباەۆ ورنى تولماس اۋىر قازانى ءبولىسىپ, قازاقستان حالقى اتىنان جانە جەكە ءوز اتىنان بۇكىل وڭتۇستىك افريكا حالقىنا قايعىلارىنا ورتاقتاستىعىن ءبىلدىردى.
