كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ بەلارۋس ەلشىسى اناتولي نيچكاسوۆتى, يران ەلشىسى گوربان سەيفي مەن ارمەنيا ەلشىسى ارا سااكياندى قابىلدادى, دەپ حابارلادى وسى پالاتانىڭ ءباسپاسوز قىزمەتى.
ق.توقاەۆ ديپلوماتتارمەن ەكىجاقتى ءوزارا ءىس-قيمىل جانە كوپجاقتى پارلامەنتتىك فورۋمدار اياسىنداعى ىنتىماقتاستىق ماسەلەلەرىن تالقىلادى. پارلامەنتارالىق ۇنقاتىسۋدى ودان ءارى دامىتۋ جانە ساۋدا-ەكونوميكالىق بايلانىستاردى زاڭنامالىق تۇرعىدا قامتاماسىز ەتۋدىڭ كەلەشەگى تۋرالى پىكىر الىسىلدى.
اڭگىمە بارىسىندا سەنات ءتوراعاسى وزەكتى حالىقارالىق پروبلەمالار, ايماقتىق ىنتىماقتاستىق پەن ينتەگراتسيا جونىندەگى ويلارىن ورتاعا سالدى.
