ارالاۋ بارىسىندا قۇتقارۋشىلار تۇرعىندارعا ءتۇسىندىرۋ جۇمىسىن جۇرگىزدى. پەشپەن جىلىتۋ جانە ەلەكتر جىلىتقىشتاردى پايدالانۋ كەزىندە ءورت قاۋىپسىزدىگى جادىنامالارىن بەردى. سونداي-اق, الەۋمەتتىك وسال توپقا جاتاتىن قالا تۇرعىندارىنىڭ ۇيلەرىندە 928 گاز داتچيگى ورناتىلدى. بۇل جابدىقتار ادام ءومىرىن ساقتاۋعا كوپ كومەگىن تيگىزەدى.
«ارالاۋ حالىقتىڭ الەۋمەتتىك وسال توپتارىنداعى 3 مىڭنان استام ادامدى قامتىدى, 29 مىڭنان استام جادىناما تاراتىلدى. اۋدان اكىمدىكتەرىنىڭ كومەگىمەن 2019-2020 جىلدارى حالىقتىڭ الەۋمەتتىك وسال توپتارىنىڭ 1543 ۇيىندە 928 داتچيك ورناتىلدى, بۇل بەس ازاماتتىڭ ءومىرىن ساقتاپ قالۋعا مۇمكىندىك بەردى. بۇگىنگى تاڭدا جىلىتۋ ماۋسىمى قازان ايىنان باستالدى. وسى داتچيكتەردىڭ ارقاسىندا ءبىز بايقوڭىر اۋدانىندا ءبىر وتباسىن قۇتقاردىق", - دەپ حابارلادى تجد توتەنشە جاعدايلاردىڭ الدىن الۋ باسقارماسىنىڭ باستىعى باۋىرجان بەيسەكانوۆ بريفينگ بارىسىندا.
بۇعان دەيىن حابارلانعانداي, ەلوردا اكىمى تجد جانە اۋدان اكىمدىكتەرىنىڭ قىزمەتكەرلەرىنە پەش جابدىقتارى مەن گاز باللوندارىن پايدالانۋ بويىنشا ءتۇسىندىرۋ شارالارىن كۇشەيتۋدى تاپسىردى.
