ءتارتىپ ساقشىلارىنىڭ ايتۋىنشا, قازاقستان رەسپۋبليكاسىنىڭ زاڭناماسىمەن پيروتەحنيكالىق بۇيىمداردى ەركىن ساتۋعا تىيىم سالىنعان. ويتكەنى, سەرتيفيكاتتالماعان بۇيىمدار قاۋىپتى بولۋى مۇمكىن. وسىعان بايلانىستى ولاردى ساقتاۋدىڭ بەلگىلى ءبىر تالاپتارى بار. ولار كوبىنەسە زاڭسىز ساتىلىم كەزىندە ساقتالمايدى. جارامسىز وتشاشۋلار وقىس وقيعاعا اپارىپ سوعۋى مۇمكىن.
«جەلتوقساننىڭ 15-نەن باستاپ قالاداعى بازارلار مەن دۇكەندەردە 6 تەكسەرىس جۇرگىزىلدى. اشىق اسپان استىندا وتشاشۋ ساتقان ەكى قالا تۇرعىنى اكىمشىلىك جاۋاپكەرشىلىككە تارتىلدى. ەكى فاكتى بويىنشا اكىمشىلىك قۇقىق بۇزۋشىلىق تۋرالى قازاقستان رەسپۋبليكاسى كودەكسىنىڭ 196-بابى «تاۋارلارمەن نەمەسە وزگە دە زاتتارمەن زاڭسىز ساۋدا جاساۋ» بويىنشا ماتەريال جينالدى», دەيدى پەتروپاۆل قالاسى پوليتسيا باسقارماسى قۇرامىنداعى ازاماتتىق جانە قىزمەتتىك قارۋ اينالىمىن باقىلاۋ ءبولىمىنىڭ باستىعى پوليتسيا مايورى مەيرام شارىشەۆ.
«پيروتەحنيكا» جەدەل-پروفيلاكتيكالىق ءىس-شاراسىنىڭ العاشقى كەزەڭى جەلتوقساننىڭ 15-ءى مەن 24-ءى ارالىعىندا, ەكىنشى كەزەڭى 26 جەلتوقسان مەن 7 قاڭتار ارالىعىندا وتپەك.
