«تاۋەلسىزدىك – بۇل ەجەلدەن بەرى اتا-بابالارىمىزدىڭ ارمانداپ كەلگەن كۇنى.
ەگەمەندىك العان كۇننەن باستاپ قازاقستان حالقى ەلدى بىرلىكتە دامىتۋ ءۇشىن بارلىق كۇش-جىگەرىن جۇمسادى. وسى ۋاقىت ىشىندە ءبىز ۇلكەن جەتىستىكتەرگە جەتتىك, حالىقتىڭ ءال-اۋقاتى ارتىپ, ءومىر ءسۇرۋ ساپاسى جاقساردى. بۇل ۇدەرىستەگى ەلباسى مەن مەملەكەت باسشىسىنىڭ ۇلەسى زور, حالىقتىڭ ءال-اۋقاتى ارقاشان ولاردىڭ ەرەكشە نازارىندا ەكەنىن ءبارىمىز بىلەمىز. ال ءبىزدىڭ باستى مىندەتىمىز – ەل پرەزيدەنتىنىڭ بەرگەن تاپسىرمالارىن تولىق ورىنداۋ جانە بارلىق ءىس-شارالاردى قامتاماسىز ەتۋ.
2020 جىلى زەينەتاقى مولشەرى ەكى رەت ارتتىرىلدى. ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ «ەڭبەك» مەملەكەتتىك باعدارلاماسى بەلسەندى ىسكە اسىرىلۋدا, بيىل وعان 580 مىڭنان استام ادام قاتىستى.
بۇگىندە ەلىمىزدە 7 ملن وتباسى بار, ونىڭ 180 مىڭنان استامى تابىسى از وتباسىلارعا جاتادى, ال 413 مىڭنان استام وتباسى كوپبالالى بولىپ تابىلادى. ەلىمىزدە 705,5 مىڭ مۇگەدەكتىگى بار ادام تۇرادى.
توتەنشە جاعداي جانە كارانتيندىك شەكتەۋلەر كەزەڭىندە ءبىزدىڭ ازاماتتارىمىزدىڭ ءال-اۋقاتىن جاقسارتۋعا باعىتتالعان الەۋمەتتىك قورعاۋ شارالارى حالىققا قىزمەت ەتۋدىڭ ۇلگىسى بولا الادى. بۇل كەزەڭ ءبىزدىڭ ەلىمىز ءۇشىن كۇردەلى كەزەڭدەردىڭ ءبىرى بولدى. الايدا, بىرلەسكەن كۇش-جىگەرىمىزدىڭ ارقاسىندا ءبىز وسى كۇردەلى كەزەڭدە تابىسىنان ايىرىلعان 4,6 ملن قازاقستاندىق ءۇشىن 42 500 تەڭگە مولشەرىندە الەۋمەتتىك تولەمدەر تۇرىندە قولداۋ شارالارىن ىسكە اسىرا الدىق.
ازاماتتاردىڭ جەكەلەگەن ساناتتارىن قوسىمشا قولداۋ ءۇشىن 1,1 ملن-نان استام ادام ازىق-ت ۇلىك جانە تۇرمىستىق جيىنتىقپەن قامتاماسىز ەتىلدى.
قازىرگى تاڭدا, حالىقتىڭ ءومىر ءسۇرۋ دەڭگەيى جاقسارىپ كەلەدى.
ءسوز سوڭىندا, قازاقستان حالقىنىڭ ءال-اۋقاتىن جاقسارتۋ, ەلىمىزدىڭ دامۋى مەن گۇلدەنۋى جولىنداعى قاجىرلى ەڭبەكتەرىڭىزگە تابىس تىلەيمىن.
ال بارشا قازاقستاندىقتارعا اماندىق پەن زور دەنساۋلىق تىلەيمىن! تاۋەلسىز ەلىمىزدە ارقاشان بەيبىتشىلىك پەن تىنىشتىق بولسىن!» – دەدى ءبىرجان نۇرىمبەتوۆ ونلاين-رەجيمدە وتكەن قر تاۋەلسىزدىك كۇنىنە ارنالعان سالتاناتتى ءىس-شارا بارىسىندا.
