قازاقستان • 15 جەلتوقسان، 2020

ۇلتتىق ۇلاننىڭ «ءبىز بولماساق، وندا كىم؟» بەينەكليپى جارىققا شىقتى

347 رەت كورسەتىلدى

ەلىمىزدىڭ ۇلىق مەرەكەسى – تاۋەلسىزدىك كۇنى قارساڭىندا ۇلتتىق ۇلاننىڭ قىزمەتتىك-جاۋىنگەرلىك ارەكەتىن باياندايتىن ء«بىز بولماساق، وندا كىم؟» انىنە ارنالعان بەينەكليپىنىڭ تۇساۋى كەسىلدى، دەپ حابارلايدى Egemen.kz ۇلتتىق ۇلاننىڭ ءباسپاسوز قىزمەتىنە سىلتەمە جاساپ.

ەندىگى كەزەكتە ەلىمىزدىڭ ۇلكەن ەكراندارىنا جول تارتقالى تۇر. اتالعان كليپتىڭ ماقساتى  اسكەري قىزمەتتى ناسيحاتتاۋ، جەكە قۇرام جانە ازاماتتىق جاستار اراسىندا اسكەري-پاتريوتتىق جۇمىستاردى ۇيىمداستىرىپ، قوعامدا ۇلتتىق ۇلان ءيميدجىن كوتەرۋ.

– بۇل بەينەكليپتى ءتۇسىرۋ يدەياسىنىڭ يەسى ۇلتتىق ۇلان باس قولباسشىسى گەنەرال-لەيتەنانت رۋسلان جاقسىلىقوۆ. اسكەر تالىمگەرلەرى مەن ۇلتتىق ۇلان ءان-بي ءانسامبلىنىڭ الدىنا ۇلكەن تاپسىرما قويىلدى. ول – ەلىمىزدىڭ جاستارىنا تۇسىنىكتى، اعا بۋىنعا ۇعىنىقتى، قالىڭ تىڭدارمان قابىلداي الاتىن جاڭا ولەڭدى جازىپ شىعۋ. ءبىزدىڭ ونەرپازدار وسى تاپسىرما اياسىندا ءاننىڭ ءماتىنىن جازدى، مۋزىكانتتارىمىز قاجەتتى اۋەندى تاڭدادى. ناتيجەسىندە، ءسوزى سالماقتى، ىرعاعى جەڭىل، رەچەتاتيۆ ستيلىندە ء«بىز بولماساق، وندا كىم؟» ءانى ومىرگە كەلدى. بۇل ءبىزدىڭ ورتاق جەتىستىگىمىز جانە بولاشاقتا تىڭدارمانداردىڭ جۇرەگىنەن ورىن الادى دەپ ويلايمىن، – دەيدى ء«ان-بي» ءانسامبلىنىڭ باسشىسى مايور دارحان راحىمعاليەۆ.

بەينەكليپ ەلىمىزدىڭ ەكى وڭىرىندە – نۇر-سۇلتان مەن الماتى قالاسىندا ءتۇسىرىلدى. تۇسىرىلىمگە ۇلتتىق ۇلاننىڭ اسكەري بولىمدەرى مەن تەحنيكاسى، جەكە قۇرامى تارتىلدى. ءاندى ء«ان-بي» ءانسامبلىنىڭ ونەرپازدارى ورىندادى. بەينەكليپتى تۇسىرۋگە وتاندىق «ايۋ سينەما» كينوكومپانياسى مۇرىندىق بولدى.

بۇگىنگى تاڭدا انسامبل مۋزىكانتتارى مەن سوليستەرىنىڭ ورىنداۋىنداعى اسكەري-پاتريوتتىق اندەر ەلىمىزدەگى بارلىق ماڭىزدى شارالاردىڭ كەلبەتى بولا ءبىلدى. اسكەري تاقىرىپقا بايلانىستى بىردە-ءبىر كونتسەرت ۇلاندىق ونەرپازداردىڭ قاتىسۋىنسىز وتپەيدى. ۇلتتىق ۇلان ء«ان-بي» ءانسامبلى مەملەكەتىمىزدىڭ ورتالىق زالدارىندا گالا-كونتسەرت بەرەتىن بىرەگەي اسكەري-مۋزىكالىق ۇجىم.

ء«بىز بولماساق، وندا كىم...

بايتاق ەلدىڭ قىرانى،

جۇرەگى ءدۇرسىل سوعادى.

ەل تىزگىنىن بەرىك ۇستاپ،

ار مەن نامىس ۇرانى!»... دەپ باستالاتىن جاڭا تۋىندى تىڭدارمانداردىڭ جۇرەكتەرىنە جول تابادى دەپ سەنەمىز.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 12:15

الماتىدا كىتاپ جارمەڭكەسى وتەدى

ايماقتار • بۇگىن، 09:40

ۇقساس جاڭالىقتار