حالىققا مەرەكەلىك كوڭىل كۇي سىيلاۋ ءۇشىن قازىنادان ميلليونداپ قارجى قاراستىرىلعانىمەن, ورتالىق الاڭعا ءۇشىنشى جىل قاتارىنان جاساندى شىرشا ورناتىلادى. دۇرىس, ارينە. وعان ەشكىمنىڭ داۋى جوق. بالا-شاعانى ءماز ەتۋ ءۇشىن ءۇيدى-ۇيگە دە جاساندى شىرشا قويعان ءجون شىعار. الايدا جاڭا جىل جاقىنداعاندا ورمان-توعايلارداعى جايقالىپ وسكەن جاسىل شىرشالار قىرقىلادى.
بيىل 30 قاراشادا ەكولوگيا, گەولوگيا جانە تابيعي رەسۋرستار مينيسترلىگىنىڭ مەملەكەتتىك ورمان قورى اۋماعىندا جاڭا جىل قارساڭىندا قىلقانجاپىراقتى اعاشتاردى قورعاۋدى كۇشەيتۋ تۋرالى بۇيرىعى شىققان. سوعان سايكەس, ورماندى جەردە قىلقانجاپىراقتى اعاشتى كەسۋگە ءۇزىلدى-كەسىلدى تىيىم سالىنعان. شىرشانى تەك ورماندى القاپتاردى كۇتىپ-باپتاۋ ءۇشىن جانە ارنايى جاڭا جىلدىق پلانتاتسيالاردا وسسە عانا كەسۋگە رۇقسات. سونداي-اق جاسىل شىرشا مادەني ءىس-شارالار وتكىزۋ ءۇشىن ۇيىمدار مەن مەكەمەلەرگە وبلىس اكىمدىگىنىڭ وتىنىشتەرى نەگىزىندە ورمان شارۋاشىلىعى جانە جانۋارلار دۇنيەسى كوميتەتىنىڭ رۇقساتى بويىنشا عانا بوساتىلادى. ال تۇرعىندارعا ارنايى ىدىستاعى ءتىرى شىرشالاردى عانا ساتۋعا رۇقسات ەتىلەدى.
شىعىستا شىرشانى زاڭسىز كەسۋدەن قورعاۋ ءۇشىن 1 جەلتوقساننان باستاپ ورمان القاپتارىنا اپاراتىن نەگىزگى جولداردا باقىلاۋ بەكەتتەرى ۇيىمداستىرىلادى, ارنايى ءموبيلدى توپتار قۇرىلادى.
ەسكەرتە كەتەرلىگى, قىلقانجاپىراقتى اعاشتى زاڭسىز كەسكەنى ءۇشىن «اكىمشىلىك قۇقىق بۇزۋشىلىق تۋرالى» كودەكستىڭ 381-1-بابىنا جانە قىلمىستىق كودەكستىڭ 340-بابىنا سايكەس حاتتاما تولتىرىلىپ, زاڭ بۇزعان ازاماتقا 600 مىڭ تەڭگەگە دەيىن ايىپپۇل سالىنادى.
شىعىس قازاقستان وبلىسى
