وتان الدىنداعى انتتى الماتى, قاراعاندى جانە تالدىقورعان قالالارىنان شاقىرىلعان ءجۇز قىرىققا جۋىق جاس سارباز قابىلدادى. سانيتارلىق شەكتەۋلەرگە بايلانىستى اسكەرگە شاقىرىلۋشىلاردىڭ اتا-انالارى سالتاناتتى ءراسىمدى ونلاين رەجيمدە باقىلادى.
- انت قابىلداعان سوڭ ءار جاۋىنگەر وزىنە جوعارى جاۋاپكەرشىلىك الادى. ەندى سىزدەر وتان قورعاۋ جولىنداسىزدار. ءبىز سىزدەردىڭ رۋح-جىگەرلەرىڭىزگە سەنەمىز. سىزدەرگە دەنساۋلىق, شىدامدىلىق, تابىستى قىزمەت تىلەيمىز! - دەدى ساپ الدىندا اسكەري ءبولىم كومانديرى, گۆارديا پودپولكوۆنيگى جولجىبەك نۇرلىبەكوۆ.
وسى ورايدا قولدارىنا قارۋ الىپ, اسكەري قىزمەتكە جاڭا اياق باسقان جاس ساربازدار دا ءوز اسەرلەرىمەن ءبولىستى.
- ءبىز اتا-انامىزدىڭ الىستا جاس جاۋىنگەر كۋرسىنان وتتىك, ماقساتتارعا ۇمتىلدىق, باتىل بولۋعا تالپىندىق. جاڭا دوستار تاپتىق. ءبىر جىلدان كەيىن شىنىعىپ, شىڭدالىپ, ۇيگە ورالامىز, - دەدى 97638 اسكەري ءبولىمىنىڭ جاس ساربازى سامات بەردىباەۆ.
