2013 جىلعى 21 تامىز, استانا قالاسى
قازاقستان رەسپۋبليكاسى قارجى پوليتسياسى ورگاندارى قىزمەتكەرلەرىنىڭ قىزمەتتىك كۋالىكتەرىنىڭ سيپاتتامالارىن جانە ولاردى بەرۋ جونىندەگى نۇسقاۋلىقتى بەكىتۋ تۋرالى
«قۇقىق قورعاۋ قىزمەتى تۋرالى» قازاقستان رەسپۋبليكاسى زاڭىنىڭ 20-بابىنا, «قازاقستان رەسپۋبليكاسىنىڭ قارجى پوليتسياسى ورگاندارى تۋرالى» قازاقستان رەسپۋبليكاسى زاڭىنىڭ 7-بابى 3-تارماعىنىڭ 5) تارماقشاسىنا سايكەس, بۇيىرامىن:
1. قوسا بەرىلىپ وتىرعان:
1) قازاقستان رەسپۋبليكاسى قارجى پوليتسياسى ورگاندارى قىزمەتكەرلەرىنىڭ قىزمەتتىك كۋالىگىنىڭ سيپاتتامالارىن, وسى بۇيرىقتىڭ 1-قوسىمشاسىنا سايكەس;
2) قازاقستان رەسپۋبليكاسى قارجى پوليتسياسى ورگاندارى قىزمەتكەرلەرىنە قىزمەتتىك كۋالىكتەردى بەرۋ جونىندەگى نۇسقاۋلىقتى, وسى بۇيرىقتىڭ 2-قوسىمشاسىنا سايكەس بەكىتىلسىن.
2. قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسىنىڭ) (بۇدان ءارى - اگەنتتىك) كادرلار باسقارماسى جانە قۇقىقتىق قامتاماسىز ەتۋ جانە حالىقارالىق دەپارتامەنتىمەن بىرلەسە وتىرىپ وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن جانە ونىڭ قازاقستان رەسپۋبليكاسىنىڭ زاڭناماسىمەن بەلگىلەنگەن تارتىپتە رەسمي جاريالانۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ اگەنتتىك توراعاسىنىڭ ءبىرىنشى ورىنباسارى قارجى پوليتسياسىنىڭ گەنەرال-مايورى ا.ي. لۋكينگە جۇكتەلسىن.
4. وسى بۇيرىق العاش رەسمي جاريالانعان كۇننەن باستاپ قولدانىسقا ەنگىزىلەدى.
توراعا ر.تۇسىپبەكوۆ.
قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى) توراعاسىنىڭ 2013 جىلعى 21 تامىزداعى
№ 258 بۇيرىعىنا 2-قوسىمشا
قازاقستان رەسپۋبليكاسى قارجى پوليتسياسى ورگاندارى قىزمەتكەرلەرىنىڭ قىزمەتتىك كۋالىكتەرىن بەرۋ جونىندەگى نۇسقاۋلىق
1. جالپى ەرەجە
1. قازاقستان رەسپۋبليكاسى قارجى پوليتسياسى ورگاندارى قىزمەتكەرلەرىنە قىزمەتتىك كۋالىكتەرىن بەرۋ جونىندەگى وسى نۇسقاۋلىق (بۇدان ءارى - نۇسقاۋلىق) قازاقستان رەسپۋبليكاسى قارجى پوليتسياسى ورگاندارىنىڭ قىزمەتكەرلەرىنىڭ قىزمەتتىك كۋالىكتەرىن بەرۋ ءتارتىبىن بولشەكتەيدى.
قارجى پوليتسياسى ورگاندارى قىزمەتكەرىنىڭ قىزمەتتىك كۋالىكتەرى (بۇدان ءارى - قىزمەتتىك كۋالىكتەر) – تۇلعانىڭ قۇقىق قورعاۋ ورگانىنا قاتىستىلىعىن, ونىڭ قۇقىق قورعاۋ قىزمەتىندەگى لاۋازىمىن جانە ارنايى اتاعىن راستايتىن قۇجات بولىپ تابىلادى.
قىزمەتتىك كۋالىك زاڭنامادا بەلگىلەنگەن تارتىپتە قارجى پوليتسياسى ورگاندارىنىڭ اكىمشىلىك عيماراتتارىنا كىرۋگە قۇقىق بەرەدى.
رەجيمدىك وبەكتىلەرگە رۇقسات ۆەدومستۆولىق قۇقىقتىق اكتىلەردە كوزدەلگەن تارتىپتە جۇزەگە اسىرىلادى.
2. قازاقستان رەسپۋبليكاسى قارجى پوليتسياسى ورگاندارى قىزمەتكەرىنىڭ قىزمەتتىك كۋالىكتەرىنىڭ سيپاتتامالارى, وسى بۇيرىقتىڭ 1-قوسىمشاسىندا كورسەتىلگەن ء(بادان ءارى - سيپاتتاماسى). ءتيىستى تۇردە راسىمدەلمەگەن, تۇزەتىلگەن نەمەسە تازارتىلعان قىزمەتتىك كۋالىك جارامسىز بولىپ سانالادى.
2. قىزمەتتىك كۋالىكتەردى دايىنداۋ جانە راسىمدەۋ
3. قارجى پوليتسياسى ورگاندارىنا قىزمەتتىك كۋالىكتەردى دايىنداۋ ءۇشىن شىعىن ماتەريالدارىمەن قامتاماسىز ەتۋ اگەنتتىكتىڭ كادرلار باسقارماسىنىڭ وتىنىمىنە سايكەس اگەنتتىكتىڭ قارجى-شارۋاشىلىق باسقارماسىنا جۇكتەلەدى.
4. قىزمەتتىك كۋالىكتەردى دايىنداۋ اگەنتتىكتىڭ كادرلار باسقارماسىنا, وبلىستار, استانا جانە الماتى قالالارى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتتەرىنىڭ (قارجى پوليتسياسىنىڭ) (بۇدان ءارى – اۋماقتىق قارجى پوليتسياسى ورگاندارىنىڭ), قارجى پوليتسياسى اكادەمياسىنىڭ كادرلار بولىمشەلەرىنە جۇكتەلەدى.
5. قىزمەتتىك كۋالىكتەردى الۋ ءۇشىن قىزمەتكەرلەر قىزمەت ورىندارى بويىنشا كادرلار بولىمدەرىنە سيپاتتاماعا سايكەس سۋرەتتەردى ۇسىنادى.
6. قىزمەتتىك كۋالىكتەر ءۇش جىل مەرزىمىنە بەرىلەدى.
7. قىزمەتتىك كۋالىك:
1) ورتالىق اپپاراتتىڭ قىزمەتكەرلەرىنە, اۋماقتىق قارجى پوليتسياسى ورگاندارىنىڭ باستىقتارىنا, قارجى پوليتسياسى اكادەمياسىنىڭ باستىعىنا – اگەنتتىك توراعاسىنىڭ قولىمەن;
2) اۋماقتىق قارجى پوليتسياسى ورگاندارىنىڭ, قارجى پوليتسياسى اكادەمياسىنىڭ قىزمەتكەرلەرىنە – اۋماقتىق قارجى پوليتسياسى ورگاندارى باستىقتارىنىڭ, قارجى پوليتسياسى اكادەمياسى باستىعىنىڭ قولىمەن بەرىلەدى.
3. قىزمەتتىك كۋالىكتەردى بەرۋ
8. قىزمەتتىك كۋالىكتەردى بەرۋ اگەنتتىكتىڭ كادرلار باسقارماسىنا, وبلىستار, اۋماقتىق قارجى پوليتسياسى ورگاندارىنىڭ, قارجى پوليتسياسى اكادەمياسىنىڭ كادرلار بولىمدەرىنە جۇكتەلەدى.
9. قىزمەتتىك كۋالىك قىزمەتكەرلەرگە لاۋازىمعا تاعايىندالۋ, قىزمەتى بويىنشا اۋىستىرۋ, ارنايى اتاق بەرۋ جانە بۇرىن بەرىلگەن كۋالىكتىڭ جارامدىلىق مەرزىمى وتكەن كەزدە بەرىلەدى.
10. قارجى پوليتسيسى ورگانىنا العاش رەت قىزمەتكە قابىلدانعان قىزمەتكەرلەرگە قىزمەتتىك كۋالىكتى بەرۋ كەزىندە كادرلار ءبولىمىنىڭ قىزمەتكەرى قۇجاتتى پايدالانۋ جانە ونى ساقتاۋ تارتىپتەرى تۋرالى نۇسقاما بەرەدى, ول جونىندە قىزمەتتىك كۋالىكتەردى بەرۋ جانە ەسەپكە الۋ كىتابىنا ءتيىستى بەلگى قويادى.
ودان ءارى قىزمەتى بويىنشا اۋىستىرۋ, قارجى پوليتسيسى ورگاندارىنان شىعارۋ, كەزەكتى ارنايى اتاعىن بەرۋ جانە بۇرىن بەرىلگەن قىزمەتتىك كۋالىكتىڭ جارامدىلىق مەرزىمى وتكەن كەزدە ونى العان جەرىنە قايتارادى. كادرلار بولىمشەلەرى قارجى پوليتسياسى ورگاندارىنىڭ قىزمەتكەرلەرىنىڭ قىزمەتتىك كۋالىكتەردىڭ بار-جوعىن ورتالىق اپپاراتتىڭ جانە اۋماقتىق قارجى پوليتسياسى ورگاندارىنىڭ اكىمشىلىك عيماراتتارىنا كىرۋ كەزىندە جۇيەلى تۇردە تەكسەرىپ وتىرادى.
11. قىزمەتتىك كۋالىكتى جوعالتقان كەزدە قىزمەتكەرلەر تىكەلەي باستىقتارى مەن كادرلار بولىمشەلەرىنە ورىن العان جاعداي تۋرالى جازباشا تۇردە, قىزمەتتىك كۋالىكتىڭ جوعالعانىن بايقاعان كۇننەن باستاپ, 3 جۇمىس كۇنى ىشىندە بايانداۋعا مىندەتتى.
قىزمەتتىك كۋالىكتى جوعالتۋ, بۇزۋ, ونى باسقا تۇلعالارعا بەرۋ, ونى جەكە باسىنىڭ پايداكۇنەمدىك نەمەسە باسقا دا ماقساتتا قولدانۋدىڭ ءاربىر فاكتىسى بويىنشا قارجى پوليتسياسى ورگاندارى باسشىسىنىڭ تاپسىرماسىمەن قىزمەتتىك تەرگەۋ جۇرگىزىلەدى, ەگەر قىزمەتكەردىڭ قىزمەتتىك كۋالىكتى جوعالتقانى, بۇزعانى جانە باسقا تۇلعالارعا بەرگەن كىناسى انىقتالعان جاعدايدا, بەلگىلەنگەن تارتىپتە ونى تارتىپتىك جاۋاپكەرشىلىككە تارتۋ ماسەلەسى قاراستىرىلادى.
قىزمەتتىك كۋالىكتى جوعالتۋ فاكتىسى بويىنشا قىزمەتتىك تەرگەۋدىڭ قورىتىندىسى جانە ونى جاڭادان بەرۋگە رۇقسات الۋ اگەنتتىكتىڭ اپپارات باسشىسىمەن, اۋماقتىق قارجى پوليتسياسى ورگاندارىنىڭ, قارجى پوليتسياسى اكادەمياسىنىڭ باستىقتارىمەن بەكىتىلەدى, بۇدان ءارى قىزمەتتىك تەرگەۋدىڭ قورىتىندىسى كادرلار بولىمشەلەرىنە ۇسىنىلادى.
12. قىزمەتكەرلەر اتقارىپ وتىرعان لاۋازىمدارىنان بوساتىلعان, قارجى پوليتسياسى ورگاندارىنان شىعارىلعان, اۋىستىرىلعان نەمەسە ىسساپارعا جىبەرىلگەن كەزدە قىزمەتتىك كۋالىكتەرىن تەز ارادا كادرلار بولىمشەلەرىنە تاپسىرادى.
4. قىزمەتتىك كۋالىك بلانكىلەرىن ەسەپكە الۋ, ساقتاۋ جانە جويۋ
14. قازاقستان رەسپۋبليكاسى قارجى پوليتسياسى ورگاندارىنىڭ قىزمەتكەرلەرىنە قىزمەتتىك كۋالىكتەردى ەسەپكە الۋ جانە بەرۋ كادرلار بولىمشەلەرىمەن قىزمەتكەرلەرگە قىزمەتتىك كۋالىكتەردى ەسەپكە الۋ جانە بەرۋ كىتابىمەن, وسى نۇسقاۋلىقتىڭ قوسىمشاعا سايكەس نىسانى بويىنشا جۇزەگە اسىرىلادى.
15. شىعىن ماتەريالدارى, قىزمەتتىك كۋالىكتەر مەن قىزمەتتىك كۋالىكتەردى ەسەپكە الۋ جانە بەرۋ كىتابى كادرلار بولىمشەلەرىنىڭ تەمىر شكافتارىندا ساقتالادى.
16. قىزمەتتىك كۋالىكتەردى جارتىلاي نەمەسە تولىق اۋىستىرۋ كەزىندە شىعىندالماعان جانە بۇزىلعان شىعىن ماتەريالدارى, سونداي-اق قارجى پوليتسياسى ورگاندارىنىڭ قىزمەتكەرلەرىمەن قايتارعان قىزمەتتىك كۋالىكتەر بەلگىلەنگەن تارتىپتە ءتيىستى اكتى تولتىرۋ ارقىلى كوميسسيالىق جويىلۋعا جاتادى.
قازاقستان رەسپۋبليكاسى قارجى پوليتسياسى ورگاندارىنىڭ قىزمەتكەرلەرىنىڭ قىزمەتتىك كۋالىكتەرىنىڭ سيپاتتامالارىن جانە ولاردى بەرۋ جونىندەگى نۇسقاۋلىققا سايكەس قوسىمشا
نىسان
قازاقستان رەسپۋبليكاسى قارجى پوليتسياسى ورگاندارى قىزمەتكەرلەرىنىڭ
قىزمەتتىك كۋالىكتەرىن ەسەپكە الۋ جانە بەرۋ كىتابى
№ تەگى, اتى-ءجونى ارنايى اتاعى لاۋا-زىمى جەتون ءنومىرى بەرىلگەن كۇنى جارام-دىلىق مەرزىمى قىزمەت-كەردىڭ قولى قىزمەتتىك كۋالىكتى تاپسىرعانى تۋرالى بەلگى قىزمەتتىك كۋالىكتى ساقتاۋ بويىنشا نۇسقاما بەرىلگەنى تۋرالى بەلگى ەسكەرتپە
1. 2. 3. 4. 5. 6. 7. 8. 9. 10. 11.
قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى) توراعاسىنىڭ 2013 جىلعى 21 تامىزداعى
№ 258 بۇيرىعىنا 1-قوسىمشا
قازاقستان رەسپۋبليكاسى قارجى پوليتسياسى ورگاندارى قىزمەتكەرىنىڭ
قىزمەتتىك كۋالىكتەرىنىڭ سيپاتتاماسى
1. قارجى پوليتسياسى ورگاندارى قىزمەتكەرىنىڭ قىزمەتتىك كۋالىگىنىڭ (بۇدان ءارى – قىزمەتتىك كۋالىك) مۇقاباسىنىڭ ساپاسى جوعارى قوڭىر قىزىل ءتۇستى تەرىدەن جاسالىنادى, وسى سيپاتتاماعا قوسىمشاعا سايكەس نىسان بويىنشا. قىزمەتتىك كۋالىكتىڭ جازىلعان تۇردەگى مولشەرى 6,5ح19 سم.
2. قىزمەتتىك كۋالىكتىڭ الدىڭعى بەتىنىڭ ورتاسىندا التىن سارى ءتۇستى قازاقستان رەسپۋبليكاسىنىڭ مەملەكەتتىك ەلتاڭباسى ورنالاسقان, استىندا باسپاحانالىق شريفتپەن «قازاقستان رەسپۋبليكاسىنىڭ قارجى پوليتسياسى» دەگەن جازبا جازىلعان.
3. قىزمەتتىك كۋالىكتىڭ ىشكى سول جانە وڭ بولىكتەرى بەلگىلەنگەن ۇلگىدە كوك ءتۇستى تانگير تورىنان جانە قارجى پوليتسياسى ورگاندارىنىڭ بەلگىسىنەن جاسالىنعان.
ىشكى بولىكتەرىنىڭ ارقايسىسىنىڭ وڭ جاعىندا اق باس ارىپتەرمەن «قازاقستان» دەگەن جازبا جازىلعان.
4. قىزمەتتىك كۋالىكتىڭ ىشكى سول بولىكتەرىندە مىنالار ورنالاسقان:
5. جوعارى بولىگىندە مەملەكەتتىك تىلدە: «قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى)» دەگەن جازبا قارا تۇسپەن جازىلعان, ونىڭ استىندا «قازاقستان رەسپۋبليكاسى» دەگەن قىزىل ءتۇستى شاعىن ءماتىن ورنالاسقان.
6. سول بولىگىندە قازاقستان رەسپۋبليكاسىنىڭ ەلتاڭباسى قازاقستان رەسپۋبليكاسىنىڭ مەملەكەتتىك ستاندارتتىنا سايكەس بەينەلەنگەن, ونىڭ استىندا قارا تۇسپەن «قازاقستان» دەگەن جازۋ ورنالاسقان جانە قىزمەتتىك كۋالىك بلانكىسىنىڭ ءنومىرى قارا تۇسپەن كورسەتىلگەن.
7. سول بولىگىنىڭ ورتاسىندا «№ ____ كۋالىك» دەگەن قىزىل تۇسپەن جازبا جازىلعان, ونىڭ استىندا قارا تۇسپەن قارجى پوليتسياسى ورگاندارى قىزمەتكەرىنىڭ ارناۋلى اتاعى, اتى, اكەسىنىڭ اتى, تەگى جانە اتقاراتىن لاۋازىمى مەملەكەتتىك تىلدە كورسەتىلەدى. قىزمەتتىك كۋالىكتىڭ ءنومىرى قارا تۇسپەن باسىلادى.
8. تومەنگى بولىگىندە قىزمەتتىك كۋالىكتىڭ بەرىلگەن كۇنى مەن جارامدىلىق مەرزىمى كورسەتىلەدى جانە مەملەكەتتىك تىلدە قىزىل تۇسپەن گرافيكالىق شەڭبەردە «وق دارىمەن اتىلاتىن قارۋدى ساقتاۋعا جانە الىپ جۇرۋگە رۇقسات ەتىلگەن» دەگەن جازبا ورنالاستىرىلادى.
9. قىزمەتتىك كۋالىكتىڭ ىشكى وڭ بولىكتەرىندە مىنالار ورنالاسقان:
10. جوعارى بولىگىندە ورىس تىلىندە: «اگەنتستۆو رەسپۋبليكي كازاحستان پو بوربە س ەكونوميچەسكوي ي كوررۋپتسيوننوي پرەستۋپنوستيۋ (فينانسوۆايا پوليتسيا)» دەگەن جازبا قارا تۇسپەن جازىلعان, ونىڭ استىندا «قازاقستان رەسپۋبليكاسى» دەگەن قىزىل ءتۇستى شاعىن ءماتىن ورنالاسقان.
اۋماقتىق قارجى پوليتسياسى ورگاندارىندا, قارجى پوليتسياسى اكادەمياسىندا شاعىن ءماتىننىڭ استىندا قارا تۇسپەن قارجى پوليتسياسى ورگاندارىنىڭ ءتيىستى بولىمشەلەرىنىڭ اتاۋى ورنالاستىرىلادى.
11. وڭ بۇرىشىندا قىزمەتكەردىڭ 3ح4 سم مولشەرىندەگى ءتۇرلى-ءتۇستى فوتوسۋرەتى (انفاس) ورنالاستىرىلادى, ونىڭ استىندا قىزمەتكەردىڭ جەكە ءنومىرى كورسەتىلەدى.
قارجى پوليتسياسى ورگاندارىنىڭ قىزمەتكەرى كۇندەلىكتى كيىم كيۋ نىسانىندا (كيتەل, كوك ءتۇستى كويلەك, گالستۋك) باس كيىمسىز كوك ءتۇستىڭ اياسىندا, وردەن تاعاندارى مەن ءبىلىمى تۋرالى بەلگىلەرىمەن (بار بولعان جاعدايدا) سۋرەتكە تۇسەدى. پوگوندارداعى ايىرماشىلىق بەلگىلەرى قىزمەتتىك كۋالىكتى تولتىرۋ كۇنى قارساڭىندا بەرىلگەن ارناۋلى اتاقتارىنا سايكەس بولۋى ءتيىس.
12. وڭ بولىگىنىڭ ورتاسىندا قىزىل تۇسپەن «ۋدوستوۆەرەنيە №___» دەگەن جازبا ورنالاستىرىلعان, ونىڭ استىندا قارا تۇسپەن قارجى پوليتسياسى ورگاندارى قىزمەتكەرىنىڭ ارناۋلى اتاعى, تەگى, اتى, اكەسىنىڭ اتى جانە اتقاراتىن لاۋازىمى ورىس تىلىندە كورسەتىلەدى. قىزمەتتىك كۋالىكتىڭ ءنومىرى قارا تۇسپەن باسىلادى.
13. اگەنتتىكتىڭ ورتالىق اپپاراتى قىزمەتكەرلەرىنىڭ, اۋماقتىق بولىمشەلەرى, قارجى پوليتسياسى اكادەمياسى باسشىلارىنىڭ قىزمەتتىك كۋالىكتەرىنە اگەنتتىك توراعاسىنىڭ قولى قويىلادى جانە اگەنتتىكتىڭ ەلتاڭبالى مورىمەن راستالادى.
اۋماقتىق قارجى پوليتسياسى ورگاندارى, قارجى پوليتسياسى اكادەمياسى قىزمەتكەرلەرىنىڭ قىزمەتتىك كۋالىكتەرىنە اۋماقتىق بولىمشەلەر, قارجى پوليتسياسى اكادەمياسى باسشىلارىنىڭ قولى قويىلادى جانە بولىمشەنىڭ ەلتاڭبالى مورىمەن راستالادى.
14. تومەنگى بولىگىندە ورىس تىلىندە قىزىل تۇسپەن گرافيكالىق شەڭبەردە «رازرەشەنو حرانەنيە ي نوشەنيە وگنەسترەلنوگو ورۋجيا» دەگەن جازبا ورنالاستىرىلعان.
قازاقستان رەسپۋبليكاسى قارجى پوليتسياسى ورگاندارى قىزمەتكەرىنىڭ قىزمەتتىك كۋالىكتەرىنىڭ سيپاتتامالارىنا قوسىمشا
نىسان
قارجى پوليتسياسى ورگاندارى قىزمەتكەرىنىڭ
قىزمەتتىك كۋالىكتەرىنىڭ ۇلگىسى
ەسكەرتپە:
1) قىزمەتتىك كۋالىك – قىزمەتكەردىڭ قارجى پوليتسياسى ورگاندارىندا قىزمەتتە بولۋىن, وق-دارىمەن اتىلاتىن قارۋدى ساقتاۋعا جانە الىپ جۇرۋگە قۇقىق بەرەتىن ارناۋلى اتاعى بەرىلگەنىن راستايتىن رەسمي قۇجات بولىپ تابىلادى.
2) ءتيىستى ۇلگىدە دايىندالماعان, دۇرىس رەسىمدەلمەگەن, جارامدىلىق مەرزىمى وتكەن, جوندەلگەن نەمەسە تۇزەتىلگەن قىزمەتتىك كۋالىك جارامسىز بولىپ سانالادى.
––––––––––––––
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 26 قىركۇيەكتە نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8743 بولىپ ەنگىزىلدى.
