"جاس سارباز" جاسوسپىرىمدەر اسكەري-پاتريوتتىق قوزعالىسى رەسپۋبليكالىق قوعامدىق بىرلەستىگىنىڭ توراعاسى مەيىربەك وراز ۇلى مەندىگاليەۆ اتالعان شارا جالعاسىن تاۋىپ جاتقانىنا العىسىن جەتكىزدى. ودان بولەك, يگى ءداستۇر تامىر جايىپ, كەڭىنەن قاناتتاناتىنىنا سەنىم ءبىلدىردى.
وسى تۇستا نۇر-سۇلتان قالالىق فيليالىنىڭ توراعاسى اسحات باعدات ۇلى نالشىبەك تە: ء"ار جىل سايىن, قىس مەزگىلى قاحارىنا ءمىنىپ قالىڭ قار تۇسكەندە, تىنباي ەڭبەك ەتەتىن جاندار بارى بارشامىزعا ءمالىم. تاۋەلسىزدىكتىڭ 30 جىلدىعى مەرەيتويى قارساڭىندا ءدال وسى جاندارعا كىشىگىرىم بولسىن كومەك كورسەتىپ, جىلۋ سىيلاۋ بولدى. سونىمەن بىرگە "30 يگى ءىس" جانە "جۇرەكتەن جۇرەككە مەيىرىمدىلىك سىيلايىق" اكتسياسى اياسىندا, ەلوردا كوشەلەرىن قاردان تازالايتىن "استانا تازالىق" قىزمەتكەرلەرىنە ىستىق شاي جانە باۋىرساق تاراتىپ, جۇمىستارىنا قولۇشىن تيگىزىپ, بارىمىزدى سالىپ قولداۋ كورسەتىپ قايتتىق. بۇدان وزگە, ايازدى كۇنى ايالدامادا اۆتوبۋس كۇتىپ, جاۋراپ تۇرعان قالا تۇرعىندارىن دا دىتتەگەن جەرىنە جەتكىزىپ تاستادىق", دەپ ايتىپ ءوتتى.
"ۆولونتەرلەر ۇنەمى كەلىپ كومەكتەسىپ تۇرادى. جىگىتتەر مەن قىزدارعا العىسىمىزدى بىلدىرەمىز. مۇنداي ايازدى كۇندەرى ءبىر شىنى-اياق شايدىڭ ءوزى دەنەگە دە جۇرەككە دە جىلۋ سىيلايدى", دەيدى استانا تازالىق جشس جۇمىسشىسى.
