ۇلتتىق ستاتيستيكا بيۋروسىنىڭ دەرەكتەرىنە سۇيەنسەك, سىرتتان كەلەتىن تۋريستەر سانى 72,3 پايىزعا, ياعني, 1,8 ملن ادامعا دەيىن ازايىپ كەتكەن. قازاقستاننان سىرتقا كەتكەندەر 70,8 پايىزعا از. ولاردىڭ سانى 2,4 ملن ادام. ىشكى تۋريزم دە ەداۋىر قۇلدىراۋدى باستان كەشىپ وتىر – 39,7 پايىزعا قىسقارۋ بايقالادى.
تۋريستەر كەلمەگەن سوڭ, ءتۇرلى تۋريست قابىلداۋشى ورىنداردىڭ دا تابىسى 49,8 پايىزعا قۇلدىراپ كەتكەن. جىل باسىنان بەرى حوستەل مەن قوناقۇيلەر جالپى قۇنى 47,4 ملرد تەڭگەگە 2,5 ملن ادامعا قىزمەت كورسەتىپتى. اقشانىڭ باسىم بولىگىن (33,2 ملرد تەڭگە) مەيرامحاناسى بار قوناقۇيلەر ەنشىلەگەن. بالالار لاگەرى نەبارى 223,1 ملن تەڭگە تابىس تاپقان.
وڭىرلەر اراسىندا الماتى كوش باستايدى. ەلىمىزدەگى ءىرى قارجى ورتالىعى 11,5 ملرد تەڭگە, ەلوردا 8 ملرد تەڭگە تابىس ەنشىلەگەن. قازاقستاننىڭ جەتى ايماعىندا كورسەتىلگەن قىزمەت قۇنى 1 ملرد تەڭگەدەن دە اسپايدى. ەڭ از تابىس تاۋىپ, كوش سوڭىندا قالعان ايماق – سولتۇستىك قازاقستان وبلىسى.
بۇل رەتتە ستاتيستيكا وتەلدەردىڭ ورتاشا تولۋى نەبارى 18 پايىزعا ارەڭ جەتكەنىن ايتادى. تاۋلىكتىك قۇنى 7,6 مىڭ تەڭگەگە دەيىن تومەندەگەن. ماسەلەن, ەلدەگى ەكى جۇلدىزدى قوناقۇيلەر ءبىر تاۋلىك ءۇشىن ورتا ەسەپپەن 13,3 مىڭ تەڭگە سۇراعان. ال كۋرورتتى ايماقتاردىڭ تابىسى 24,5 ملن تەڭگەگە باعالانادى. ولارعا ىشكى 1,1 ملن, سىرتقى 97,4 مىڭ ادام بارعان.
ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتىنشە, 2020 جىلدىڭ II توقسانىندا قازاقستانعا 132,9 مىڭ تۋريست كەلگەن. بۇل 2019 جىلدىڭ II توقسانىمەن سالىستىرعاندا 16,5 ەسە از. بىلتىر كەلۋشىلەر سانى 2,2 ملن ادامنان اسىپ تۇسكەن ەدى.
II توقساندا قوناقۇيلەر مەن وزگە دە ورنالاسۋ ورىندارىندا 418 مىڭ ءنومىر پايدالانۋعا بەرىلگەن. بۇل تسيفر دا 2019 جىلدىڭ ءدال سول كەزەڭىمەن سالىستىرعاندا 3,2 ەسە از ەكەنىن اڭعارتادى.
