كەزدەسۋدە Nur Otan پارتياسى توراعاسىنىڭ ءبىرىنشى ورىنباسارى ب.بايبەك قازاقستاننىڭ تۇڭعىش پرەزيدەنتىنە پارتيانىڭ ۇگىت-ناسيحات كەزەڭىنە ازىرلىگى جانە Jas Otan جاستار قاناتىنىڭ سەزىن وتكىزۋگە دايىندىق بارىسى تۋرالى باياندادى.
سونىمەن قاتار نۇرسۇلتان نازارباەۆقا وڭىرلەرگە ساپارلار مەن پارتيا وكىلدەرىنىڭ كەيبىر ەلدى مەكەن تۇرعىندارىمەن وتكەن كەزدەسۋلەرىنىڭ قورىتىندىلارى تۋرالى مالىمەت بەرىلدى.
سونداي-اق ب.بايبەك پارتيانىڭ سايلاۋالدى ۇگىت-ناسيحات جۇمىستارىنىڭ ورتالىق جانە وڭىرلىك دەڭگەيدەگى جوسپارىمەن تانىستىردى.
– ءبىز بيۋرو وتىرىسى مەن پارتيا سەزىن وتكىزدىك. 216 سايلاۋالدى باعدارلاما بەكىتىلدى. ەندى جان-جاقتى ءتۇسىندىرۋ جۇمىستارىن جۇرگىزۋ كەرەك, – دەدى ەلباسى.
