"بيىلدىڭ وزىندە ءتيىستى مەملەكەتتىك ورگاندار مەن اكىمدىكتەر ورماندى قالپىنا كەلتىرۋ جانە اعاش ءوسىرۋ كولەمىن ۇلعايتۋعا باعىتتالعان دايىندىق جۇمىستارىن جۇرگىزىپ جاتىر. جوسپارلانعان ءىس-شارالاردىڭ كەلەسى جىلى ۋاقتىلى ىسكە اسىرىلۋىن قامتاماسىز ەتۋ قاجەت. جالپى ەكولوگيا جانە تابيعي رەسۋرستار مينيسترلىگى قابىلداپ جاتقان شارالاردى قولدايمىز", دەيدى پرەمەر-مينيستر اسقار مامين.
ءسويتىپ ۇكىمەت باسشىسى وتىرىسقا قاتىسقاندارعا بىرقاتار تاپسىرما جۇكتەدى.
ء"بىرىنشى, العا قويىلعان مىندەتتەردى ىسكە اسىرۋ ورمان پيتومنيكتەرىنىڭ اۋماعىن ۇلعايتۋ مەن وسىرىلگەن وتىرعىزۋ ماتەريالىنىڭ كولەمىن ۇلعايتۋ, ارنايى تەحنيكانى ساتىپ الۋ جانە قارجىلاي قامتاماسىز ەتۋ جونىندەگى ءىس-شارالاردى ۇيىمداستىرۋدى تالاپ ەتەدى. وسىعان بايلانىستى ەكولوگيا, اۋىل شارۋاشىلىعى, يندۋستريا, قارجى مينيسترلىكتەرىنە وڭىرلەردىڭ اكىمدىكتەرىمەن بىرگە ەكى اي مەرزىمدە ورمانداردى قالپىنا كەلتىرۋدىڭ جانە اعاش ءوسىرۋدىڭ كەشەندى جوسپارىن ازىرلەۋدى تاپسىرامىن. ەكىنشى, ورمان قورىن ۇلعايتۋ جانە ەلدى مەكەندەردە اعاش وتىرعىزۋ ولاردى ساقتاپ قالۋعا تۇرعىندار مەن اتقارۋشى ورگانداردىڭ جاۋاپكەرشىلىكپەن قاراۋىن تالاپ ەتەدى. بۇل جاسىل كوشەتتەردىڭ جاي-كۇيى مەن پايدالانىلۋىن مونيتورينگتەۋ جانە تۇگەندەۋ جونىندە شارالار قابىلداۋى قاجەت. ءۇشىنشى, اعاشتاردى زاڭسىز كەسكەنى ءۇشىن جازالاۋدى قاتاڭداتۋ بولىگىندە زاڭنامانى جەتىلدىرۋ جونىندەگى شارالار الداعى ۋاقىتتا تۇرعىنداردىڭ ولاردى قاتاڭ ساقتاۋىن جانە وسى ماسەلەنى مەملەكەتتىك ورگانداردىڭ ۇيلەستىرۋىن تالاپ ەتەدى", دەيدى ول.
ول وڭىرلەردىڭ اكىمدىكتەرىنە ەكولوگيا, يندۋستريا مينيسترلىكتەرىمەن بىرگە قابىلداناتىن زاڭنامالىق تۇزەتۋلەر مەن زاڭعا تاۋەلدى اكتىلەردىڭ ۋاقتىلى ءارى ساپالى ىسكە اسىرىلۋىن قامتاماسىز ەتۋدى تاپسىردى. بۇدان بولەك, وڭىرلەردىڭ اكىمدىكتەرى ءتيىستى ورمان قورعاۋ قىزمەتتەرىنىڭ ماتەريالدىق-تەحنيكالىق جانە كادرلىق قامتاماسىز ەتۋ شارالارىن قابىلداۋى قاجەت ەكەنىن ايتتى.
