تۇركىستان وبلىسىندا 6 لاۋازىمدى تۇلعاعا قاتىستى شارا قولدانىلدى, ولار: ءبىلىم بولىمدەرىنىڭ باسشىلارى, باس بۋحگالتەرلەر جانە ەكونوميستەر.
جامبىل وبلىسىندا 5 لاۋازىمدى تۇلعا جازالاندى.
قاراعاندى وبلىسىندا ءبىلىم ءبولىمىنىڭ باس بۋحگالتەرى, پاۆلودار جانە اقمولا وبلىستارىندا ءبىلىم بولىمدەرىنىڭ باس ەكونوميستەرى دە تارتىپتىك جاۋاپكەرشىلىككە تارتىلدى.
سونىمەن قاتار, قوستاناي وبلىسىندا ينكليۋزيۆتى سىنىپتاردا وتكىزگەن ساباقتارى ءۇشىن پەداگوگتەردىڭ ەڭبەكاقىسىن تولەمەۋ فاكتىسى انىقتالدى. وبلىستىق ءبىلىم سالاسىندا ساپانى قامتاماسىز ەتۋ دەپارتامەنتى مەن ەڭبەك جونىندەگى ينسپەكتسيا باسقارماسىنىڭ بىرلەسكەن جۇمىسىنىڭ ناتيجەسىندە ءبىلىم ءبولىمىنىڭ باسشىسىنا قاتىستى اكىمشىلىك حاتتاما تولتىرىلدى. قازىرگى ۋاقىتتا وڭىردە مۇعالىمدەر الدىنداعى قارىز تولىق وتەلدى.
پەداگوگتەردىڭ ەڭبەكاقىلارىن ۋاقتىلى تولەمەۋ فاكتىلەرىنە جول بەرمەۋ ماقساتىندا ءبىلىم جانە عىلىم سالاسىندا ساپانى قامتاماسىز ەتۋ كوميتەتى وبلىس جانە اۋدان اكىمدەرىنە جانە قر ەڭبەك جانە الەۋمەتتىك قورعاۋ مينيسترلىگىنىڭ وڭىرلىك ەڭبەك جونىندەگى ينسپەكتسيالارىنا ءتيىستى حاتتار جولدادى.
