وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى مالىمدەگەندەي, وتكەن تاۋلىكتە 28 ادامنان كوروناۆيرۋس ينفەكتسياسى انىقتالعان. ونىڭ ىشىندە اتىراۋ قالاسىنىڭ 8 تۇرعىنى مەن تەڭىز كەنىشىندەگى 17 جۇمىسشى بار. سونداي-اق قۇرمانعازى اۋدانىندا تۇراتىن 3 ادامنان دا قاۋىپتى ىندەتتىڭ بەلگىسى تابىلعان.
"اتىراۋ وبلىسىندا وتكەن تاۋلىكتە كوروناۆيرۋس ينفەكتسياسىنان 48 ناۋقاس ەمدەلىپ شىقتى. قازىر 136 ادام ءۇي جاعدايىندا, وبلىستىق ينفەكتسيالىق ستاتسيوناردا 48, يندەر, قىزىلقوعا, قۇرمانعازى اۋداندارىنداعى ستاتسيوناردا 8 ناۋقاس, ال تەڭىز كەنىشىندەگى ينفەكتسيالىق ستاتسيوناردا 200 ناۋقاس ەم قابىلداپ جاتىر", دەپ حابارلادى باسقارمانىڭ ءباسپاسوز وكىلى.
ەسكە سالا كەتسەك, بۇعان دەيىن تەڭىز كەنىشىندە ءبىر تاۋلىكتە 42 جۇمىسشى ىندەت جۇقتىرعانىن حابارلادىق. وعان قوسا, تەڭىز كەنىشىندە ەپيدەميالىق جاعدايدىڭ كۇرت ۋشىعۋىنا بايلانىستى 7 جەلتوقساندا كارانتيندىك شەكتەۋ شارالارى كۇشەيتىلىپ, ەكى كومپانيا كارانتينگە جابىلدى.
