سايلاۋشى, ءوزىنىڭ بولۋ ورنىن اۋىستىرعان كەزدە ا.ج. 26 جەلتوقساندا جانە 2021 جىلعى 9 قاڭتار ساعات 18-گە دەيىن داۋىس بەرۋ قۇقىعىن بەرەتىن ەسەپتەن شىعارۋ كۋالىگىن الۋعا قۇقىلى.
ەسەپتەن شىعارۋ كۋالىگىن ۋچاسكەلىك سايلاۋ كوميسسياسى سايلاۋشىنىڭ ءوتىنىشى جانە ونىڭ جەكە باسىن كۋالاندىراتىن قۇجاتتى ۇسىنۋى بويىنشا بەرەدى.
ەسەپتەن شىعارۋ كۋالىگى ءبىر ەلدى مەكەننىڭ شەگىندەگى باسقا سايلاۋ وكرۋگىندە نەمەسە باسقا سايلاۋ ۋچاسكەسىندە داۋىس بەرۋگە قاتىسقىسى كەلەتىن سايلاۋشىلارعا بەرىلمەيدى.
سايلاۋشى داۋىس بەرۋ قۇقىعىن بەرەتىن ەسەپتەن شىعارۋ كۋالىكتەرىنىڭ ءۇش ءتۇرىن: پارلامەنت ماجىلىسىنە, وبلىستىڭ, قالانىڭ (اۋداننىڭ) ءماسليحاتىنا الا الادى.
ەسەپتەن شىعارۋ كۋالىگىن كورسەتكەن كەزدە ۋچاسكەلىك سايلاۋ كوميسسياسى داۋىس بەرۋ كۇنى سايلاۋشىنى ونىڭ كەلگەن جەرى بويىنشا سايلاۋ ۋچاسكەسىندەگى سايلاۋشىلار تىزىمىنە ەنگىزەدى.
سايلاۋشى ەسەپتەن شىعارۋ كۋالىگى بويىنشا داۋىس بەرۋ كەزىندە ءتيىستى اكىمشىلىك-اۋماقتىق بىرلىك شەگىندە سايلاۋ بيۋللەتەندەرىنىڭ ءارتۇرلى سانىن الا الادى.
وبلىستىڭ ءبىر اۋدانى شەگىندە داۋىس بەرۋ كەزىندە سايلاۋشى پارلامەنت ءماجىلىسىنىڭ, وبلىستىق ءماسليحاتتىڭ جانە اۋداندىق ءماسليحاتتىڭ دەپۋتاتتارىن سايلاۋعا قاتىسا الادى.
ءبىر وبلىس شەگىندە (بىراق باسقا اۋداندا, قالادا) سايلاۋشى پارلامەنت ءماجىلىسى مەن وبلىستىق ءماسليحات دەپۋتاتتارىن سايلاۋعا قاتىساتىن بولادى.
وبلىستان تىس جەرلەردە – تەك پارلامەنت ءماجىلىسى دەپۋتاتتارىن سايلاي الادى.
