سونداي-اق ورتالىقتىڭ قىزمەتىنە ازاماتتاردىڭ ماسەلەلەرىن جەدەل ءارى بىرلەسە شەشۋ, وتىنىشتەردى قابىلداۋ, تەگىن قۇقىقتىق كەڭەس كورسەتۋ, مەمورگانداردىڭ ءبىرىنشى باسشىلارىنىڭ قاتىسۋىمەن قوعامدىق قابىلداۋلار وتكىزۋ, ارىز-شاعىمداردى تالداۋ نەگىزىندە جۇيەلى پروبلەمالاردى انىقتاۋ جانە ناقتى شەشىمدەر قابىلداۋ كىرەدى. جاڭا نىساننىڭ اشىلۋ سالتاناتىنا وبلىس اكىمى ومىرزاق شوكەەۆ, تۇركىستان وبلىسى بويىنشا سىبايلاس جەمقورلىققا قارسى قىزمەت دەپارتامەنتىنىڭ باسشىسى حاكيم كوشقاليەۆ, بەلسەندى قوعام مۇشەلەرى جانە باق وكىلدەرى قاتىستى. ورتالىق زاماناۋي ديزاين ۇلگىسىندە «open space» فورماتىنداعى كەڭسە رەتىندە جۇمىس ىستەيتىن بولادى. سونىمەن قاتار, كەڭسەدە ىڭعايلى كۇتۋ ايماعى, تەگىن «wi-fi» جانە مۇمكىندىكتەرى شەكتەۋلى ازاماتتارعا بەيىمدەلگەن كىرەبەرىس ۇيىمداستىرىلعان. سالتاناتتى راسىمگە قاتىسۋشىلار «پاراساتتىلىق ورتالىعى» ازاماتتاردىڭ بيلىك ينستيتۋتتارىنا دەگەن سەنىمىن ارتتىرۋىن قامتاماسىز ەتەتىنىن ايتتى.
سونداي-اق بۇل كۇنى سىبايلاس جەمقورلىققا قارسى قىزمەت دەپارتامەنتى حالىقارالىق سىبايلاس جەمقورلىققا قارسى كۇرەس كۇنىنە وراي, قوعام بەلسەندىلەرىن ماراپاتتادى. اتقارىلعان جۇمىستار باياندالىپ, ارنايى ازىرلەنگەن بەينەروليك كورسەتىلگەن جيىندا ءسوز العان دەپارتامەنت باسشىسى حاكيم كوشقاليەۆ وبلىس كولەمىندە الەۋمەتتىك دەرتكە قارسى ساياساتتىڭ ىسكە اسىرىلۋى اياسىندا اتقارىلعان جۇمىستارعا توقتالدى. ال ارنايى مونيتورينگتىك توپ مۇشەلەرى جۇمىستى جەتىلدىرۋ باعىتىنداعى وي-پىكىرلەرىمەن ءبولىستى. شارا سوڭىندا سىبايلاس جەمقورلىقپەن كۇرەسۋدە بەلسەندىلىك تانىتقان ازاماتتارعا ءتۇرلى نوميناتسيالار بويىنشا ارنايى العىس حاتتار مەن ديپلومدار تابىس ەتىلدى.
