قازىرگى ەپيدەميولوگيالىق جاعدايدىڭ وزەكتى ماسەلەلەرى جانە مەگاپوليستە COVID-19 تارالۋىنا جول بەرمەۋ بويىنشا قابىلدانىپ جاتقان شارالار قارالدى.
كوروناۆيرۋستىق ينفەكتسيانىڭ تارالۋ قارقىنى بويىنشا الماتى سارى ايماقتا ورنالاسقان. كۇزدىڭ باسىندا جانە ورتاسىندا تومەندەگەننەن كەيىن اۋرۋدىڭ ءوسۋى بايقالادى. وسىلايشا, جۇقتىرعانداردىڭ سانى 0,2% - عا دەيىن ءوستى, تارالۋ كوەففيتسيەنتى 1-دەن جوعارى. جۇقتىرۋ وشاقتارىنىڭ ەڭ كوپ سانى بوستاندىق, المالى, اۋەزوۆ جانە مەدەۋ اۋداندارىنىڭ اۋماعىندا ورنالاسقان.
ءوسۋدىڭ سەبەپتەرى مەن جۇقتىرۋ كوزدەرى-قوعامدىق ورىندارعا بارۋ, ءۇي, قالالىق كولىك, جۇمىس ورنى بويىنشا بايلانىس, سونداي-اق شەت ەلدەردەن اكەلۋ. سونىمەن قاتار, پتر تەستىلەۋ قۇنىنىڭ تومەندەۋىنە بايلانىستى قالالىقتاردىڭ ءوزىن - ءوزى حابارلاۋى بويىنشا جۇرگىزىلگەن زەرتتەۋلەر سانى ارتتى, بۇل ستاتيستيكالىق دەرەكتەردە دە كورىنىس تابادى (پاندەميا باستالعاننان بەرى الماتىدا 668 مىڭ زەرتتەۋ جۇرگىزىلدى, ونىڭ 294,5 مىڭى-قالالىقتاردىڭ ءوزىن-ءوزى حابارلاۋى بويىنشا).
حالىق اراسىندا جۇقتىرۋدى ازايتۋ ماقساتىندا قالا اكىمشىلىگى شەكتەۋ رەجيمىنىڭ ساقتالۋىن باقىلاۋدى كۇشەيتۋ بويىنشا شارالار قابىلدادى. اعىمداعى جىلدىڭ قازان ايىنان باستاپ 32 مونيتورينگتىك توپ 518 ءىس-شارا وتكىزدى, ونىڭ شەڭبەرىندە 4264 وبەكت قامتىلدى. 956 وبەكتىدە (23%) تالاپتاردى بۇزۋ فاكتىلەرى انىقتالدى. شەكتەۋ ءىس - شارالارىن ساقتاماعانى ءۇشىن 789 اكىمشىلىك قۇقىق بۇزۋشىلىق تۋرالى حاتتاما جاسالدى, ونىڭ ىشىندە 592-بەتپەردە رەجيمىن بۇزعانى ءۇشىن جەكە تۇلعالارعا. 13 ماتەريال سوتقا بەرىلدى.
سونىمەن بىرگە, الماتىدا پاندەميانىڭ جاڭا تولقىنىنا 7011 توسەك-ورىن قۋاتتىلىعىمەن, سونىڭ ىشىندە 250 رەانيماتسيالىق ورىنمەن 23 كوۆيدتى كلينيكا ازىرلەنگەن. 3 جاڭا ينفەكتسيالىق ستاتسيونار سالىنىپ, ەكى كلينيكا رەكونسترۋكتسيالاندى. كلينيكالاردىڭ ماتەريالدىق-تەحنيكالىق بازاسىن نىعايتۋ بويىنشا كەشەندى جۇمىس جۇرگىزىلەدى.
مەديتسينالىق قوعامداستىق وكىلدەرىمەن كەڭەس بارىسىندا كۆي بار پاتسيەنتتەرگە كومەك كورسەتۋگە قاتىسقان مەديتسينالىق ۇيىمداردى, قالالىق ونكولوگيالىق ورتالىقتى قارجىلاندىرۋ, سونداي-اق جەدەل جاردەم ماشينالارىن جەتكىزۋ سالاسىنداعى ماسەلەلەر قارالدى.
قر پرەمەر-ءمينيسترىنىڭ ورىنباسارى ەرالى توعجانوۆ قالادا سىرقاتتانۋشىلىقتىڭ وسۋىنە, سونداي-اق COVID-19 پتر دياگنوستيكاسىنىڭ ماسەلەسى بويىنشا زەرتحانالاردىڭ جۇمىسىن ۇيلەستىرۋدىڭ ماڭىزدىلىعىنا نازار اۋداردى.
"بۇگىن قويىلعان مىندەتتەردى بۇگىن قالانىڭ باس سانيتارلىق دارىگەرىمەن بىرلەسىپ تالداپ, قاجەتتى شارالار قابىلداۋدى سۇرايمىن", - دەپ اتاپ ءوتتى ە. توعجانوۆ
جيىن قورىتىندىسى بويىنشا قر پرەمەر-ءمينيسترىنىڭ ورىنباسارى ەرالى توعجانوۆ ناقتى تاپسىرمالار بەردى:
- قىزمەتكەرلەر سانى 15 جانە ودان دا كوپ ادامدى قۇرايتىن ۇيىم قىزمەتكەرلەرىنىڭ 60-80% - ىن قاشىقتىقتان جۇمىس ىستەۋ رەجيمىنە كوشىرۋ مەكتەپكە دەيىنگى بالالار مەكەمەلەرىندە قوسىمشا كەزەكشى توپتار, قالا مەكتەپتەرىندە كەزەكشى سىنىپتار اشۋدى توقتاتا تۇرۋ;
- جەكسەنبى كۇندەرى سانيتارلىق كۇنگە جابىلا وتىرىپ, سوو, ساۋدا وبەكتىلەرىنىڭ جۇمىسىن سەنبى كۇنى ساعات 17.00-گە دەيىن شەكتەۋ;
- قوعامدىق تاماقتانۋ وبەكتىلەرىنىڭ, ونىڭ ىشىندە ساۋدا ويىن-ساۋىق ورتالىقتارىندا ورنالاسقان نىسانداردىڭ قىزمەتىنە ساعات 19.00-دەن 23.00-گە دەيىن, ۇجىمدىق ءىس-شارالار وتكىزبەي, باس سانيتار دارىگەر قاۋلىسىنىڭ تالاپتارىن ساقتاي وتىرىپ, وتىراتىن ورىندار سانى 50-دەن اسپاعان جاعدايدا قىزمەتىنە رۇقسات ەتۋ;
- ونەركاسىپتىك, قۇرىلىس, كولىك كاسىپورىندارىنىڭ قىزمەتكەرلەرىن جۇمىسقا جەتكىزۋ جانە تاسىمالداۋ ءۇشىن ۇيىمدارعا قىزمەتتىك كولىكتى ۇسىنۋ;
- باس سانيتار دارىگەر قاۋلىسىنىڭ تالاپتارىن ساقتاي وتىرىپ, جۇمىس كۇندەرى ساعات 10.00-دەن 18.00-گە دەيىن, سەنبى كۇندەرى ساعات 10.00-دەن 15.00-گە دەيىن جۇمىس كەستەسىن بەلگىلەي وتىرىپ حقكو جۇمىسىن ۇيىمداستىرۋ;
- تەستىلىك رەجيمدە جۇمىس ىستەۋ كەزىندە بەلگىلەنگەن شەكتەۋ شارالارىن ساقتاي وتىرىپ, تۋريزم وبەكتىلەرىنىڭ جۇمىسىن جالعاستىرۋ.
