كارانتين تالاپتارىن ساقتاۋ كەرەك. قوعامدا ساقتالۋى كەرەك تالاپتارعا ءمان بەرمەيتىن ادامدار بار. بىراق قازىر باسىم كوپشىلىك تالاپتاردى ساقتاۋدى ۇيرەندى. ءبىز ءارى قاراي ءتۇسىندىرۋ جۇمىستارىن جالعاستىرۋىمىز كەرەك. كارانتين شەكتەۋلەرىنىڭ ەنۋى ورىندى. سەبەبى قازىر جابىق عيماراتتاردا بالالار الاڭى مەن كينوتەاترلاردا, ادام كوپ جينالاتىن جەرلەردە كارانتين شەكتەۋلەرى بار. ولار جالعاسىن تابادى.
لوكداۋن بولعاندا ادامدارعا قيىن بولعانىن كوردىك. بىزگە ول تاعى كەرەك پە؟ مەنىڭشە, ءبىز ونى بولدىرماۋىمىز كەرەك. ول قوعامنىڭ ءاربىر مۇشەسىنە بايلانىستى.
سانيتارلىق دارىگەرلەر جانە ساۋدا ورتالىقتارمەن اقىلداستىق. سەبەبى ادامدار جاڭا جىل قارساڭىندا دۇكەندەرگە كوپ بارادى. سوندىقتان ادامدانىڭ كوپ شوعىرلانۋىن بودىرماۋ ءۇشىن ءبىز گيپەرماركەت پەن سۋپەرماركەتتەردى تاۋلىك بويى جۇمىس ىستەۋگە كوشىرۋدى ويلاستىرىپ جاتىرمىز. سول كەزدە ءبىز ءدالىزدى كەڭەيتەمىز, ادامدار سول كەزدە اسىقپايتىن بولادى. جاقىن ارادا ول تۋرالى ايتامىز.
تاعى دا بىرقاتار شارا قابىلدايمىز. سەبەبى لوكداۋن ەكونوميكالىق نەگاتيۆ اسەرىن تۋدىرادى. ادامدار جۇمىسقا بارا المايدى. ۇجىم كوپ جينالاتىن كاسىپكەرلىكتەر جۇمىسكەرلەرىن قاشىقتان جۇمىس ىستەۋگە جىبەردى. قالانى جابۋ جوسپاردا جوق. الايدا قوسىمشا كارانتين شارالارى ناۋقاس سانى كوبەيگەن كەزدە ەنگىزىلەدى.
