"پرەزيدەنت تاپسىرماسىمەن حالىقتىڭ الەۋمەتتىك وسال توپتارى ءۇشىن قارىز جۇكتەمەسىن ازايتۋ بويىنشا تەڭدەسسىز قادامدار جۇزەگە اسىرىلدى. ءتيىستى شارالار قابىلدانىپ, تۇتىنۋشىلىق نەسيەلەۋ نارىعىنداعى تاۋەكەلدەردى تومەندەتۋگە جاعداي جاسالدى. دەگەنمەن بۇل سالادا پروبلەمالار ءالى دە بار. بۇل جايىندا مەملەكەت باسشىسى بيىلعى قىركۇيەكتە جاريالاعان جولداۋىندا ايتقان بولاتىن", دەدى ءماجىلىس دەپۋتاتى البەرت راۋ.
ءبىرىنشى كرەديتتىك بيۋرونىڭ مالىمەتىنشە, 2020 جىلعى 1 قاراشاداعى جاعداي بويىنشا ميروقارجى ۇيىمدارىندا ميكرونەسيەلەر 170 مىڭ كاسىپكەرگە جانە 810 مىڭ جەكە تۇلعاعا تيەسىلى. جەكەلەگەن نەسيەلەر بويىنشا قارىز الۋشىلاردىڭ 38 پايىزى تولەم مەرزىمىن وتكىزىپ العان, وسى ورايدا 300 مىڭعا جۋىق ادام قامتىلعان.
"ازاماتتاردى قورعاۋدىڭ قوسىمشا تەتىكتەرىن ەنگىزۋ ماقساتىندا دەپۋتاتتار ميكروقارجىلىق جانە كوللەكتورلىق قىزمەتتى رەتتەۋ بويىنشا زاڭ جوباسىن ازىرلەدى", دەدى دەپۋتات. زاڭ جوباسىندا كوللەكتورلىق اگەنتتىكتەر جاۋاپكەرشىلىگىن ارتتىرۋ قاراستىرىلعان. بۇل اگەنتتىكتەرگە تالاپتاردى قايتا قاراۋعا ولاردىڭ قىزمەتىنە قاتىستى شاعىمداردىڭ كوپ بولۋى سەبەپ.
