مادەنيەت جانە سپورت ءمينيسترى اقتوتى رايىمقۇلوۆا دەنە تاربيەسى ساباقتارىندا ۇلتتىق سپورت تۇرلەرىنىڭ كومپونەنتىن ەنگىزۋ ءبىلىم بەرۋ سالاسىنداعى جاڭالىق بولاتىنىن ايتتى.
جالپى ءبىلىم بەرەتىن مەكتەپتەردە وقىتىلاتىن ۇلتتىق سپورت تۇرلەرىنىڭ تىزبەسىن مادەنيەت مينيسترلىگى بەكىتەتىن بولادى.
سونىمەن قاتار اكىمدىكتەر حالىق ءۇشىن سپورت ۇيىرمەلەرى مەن سەكتسيالارىن, بالالار مەن جاسوسپىرىمدەردىڭ دەنە شىنىقتىرۋ كلۋبتارىن ۇيىمداستىرۋى قاجەت. سونداي-اق, اۋىل حالقى اراسىندا دەنە شىنىقتىرۋمەن اينالىسۋ دەڭگەيىن ارتتىرۋ مىندەتىن قويدى.
اكىمدىكتەر دارىگەرلىك-دەنە شىنىقتىرۋ ديسپانسەرلەرىنىڭ سانىن كوبەيتىپ, حالىقپەن جۇمىس ىستەۋ ءۇشىن دەنە شىنىقتىرۋ جانە سپورت جونىندەگى نۇسقاۋشىلاردى شاقىرا الادى.
ايتا كەتەيىك, قازىر قازاقستاندا بالالار مەن جاسوسپىرىمدەردىڭ 105 كلۋبى جانە 579 بالالار سپورت كلۋبى بار. 2025 جىلعا دەيىن مادەنيەت جانە سپورت مينيسترلىگى بالالار مەن جاسوسپىرىمدەر سپورت كلۋبتارىنىڭ سانىن 350-گە جەتكىزۋدى جوسپارلاپ وتىر.
