التىن قۇيمالاردىڭ بەس ءتۇرى بار: 5, 10, 20, 50 جانە 100 گ. ەڭ كوپ ساتىلعانى - 10 گ قۇيما. ساتىلعان بارلىق قۇيمانىڭ ىشىندەگى ونىڭ ۇلەسى 25%, ياعني, 10 199 دانا. ودان كەيىن 20 گرامدىق – 9 061 دانا (23%) جانە 100 گرامدىق قۇيما – 8 863 دانا (22%), 5 گرامدىق – 7 001 دانا (18%), 50 گرامدىق قۇيما – 4 957 دانا (12%).
قۇيمالاردى ساتىپ الۋ جاعىنان الماتى قالاسى كوش باستاپ تۇر (ساتىلعان قۇيمالاردىڭ جالپى سانىنان 54%), ودان كەيىن اتىراۋ (13%), نۇر-سۇلتان (11%) جانە باسقا وڭىرلەر (22%) بولدى.
كەرى ساتىپ الۋعا جالپى ماسساسى 3,3 كگ 129 ولشەۋىش قۇيما عانا قايتارىلدى. التىن قۇيمالار – ينۆەستيتسيالاۋدىڭ سەنىمدى قۇرالى بولا الادى. بانكتەردىڭ جانە بانكتىك ەمەس ايىرباستاۋ پۋنكتەرىنىڭ كليەنتكە «سول كۇنى» اقشا تولەي وتىرىپ, قۇيمالاردى كەرى ساتىپ الۋ مۇمكىندىگى – التىن قۇيمالار نارىعىنىڭ وتىمدىلىگىن قامتاماسىز ەتۋدىڭ نەگىزگى فاكتورى.
قازىر التىن قۇيمالاردى Halyk Bank-تەن, ەۋرازيالىق بانكتەن, Jýsan Bank-تەن, بانك تسەنتركرەديتتەن, سونداي-اق بانكتىك ەمەس ايىرباستاۋ پۋنكتتەرىنەن ساتىپ الۋعا جانە ولارعا كەرى ساتۋعا بولادى.
ءاربىر قۇيما قورعانىش ەلەمەنتتەرىمەن جابدىقتالعان (قۇيمالاردىڭ بەت جاعى ايناداي, ميكروماتىن جانە بەدەرلى گۋرت), سونىمەن بىرگە قۇيمالاردى مەحانيكالىق زاقىمدانۋدان قورعايتىن جانە قاپتاماسىنىڭ اشىلعان-اشىلماعانىن تەز انىقتاۋعا مۇمكىندىك بەرەتىن ارنايى قاپتامادا شىعارىلادى. قورعانىش قاپتاماسى دا قۇيما ساپاسىنىڭ سەرتيفيكاتى سانالادى. سوندىقتان قۇيمانى ۇقىپتى ساقتاپ, قاپتاماسىن اشپاعان دۇرىس.
قازاقستان رەسپۋبليكاسىنىڭ ۇلتتىق بانكى حالىق ءۇشىن تازارتىلعان التىننىڭ ولشەمدىك قۇيمالارىن ساتۋ جانە كەرى ساتىپ الۋ باعدارلاماسىن 2017 جىلى ىسكە قوستى.
