وسىعان وراي وبلىس اكىمى ومىرزاق شوكەەۆ اپتالىق ماجىلىستە بارلىق جاۋاپتى باسشىلارعا حالىق كوپ تۇتىناتىن تاۋارلاردىڭ باعاسىن تۇراقتاندىرۋدى تاپسىردى. ماماندار ەلدەگى توتەنشە جاعداي جانە ۇزارتىلعان كارانتيندىك شارالار كەزەڭىندە ساۋدا نىساندارىنىڭ قىزمەتىن توقتاتا تۇرۋى تەڭگە باعامىنىڭ تومەندەۋىن, حالىق تاراپىنان سۇرانىستى شەكتەپ تاۋارلار باعاسىنىڭ وسۋىنە الىپ كەلگەنىن ايتادى. سول سەبەپتەن اۋداندارداعى ەگىستىك القاپتاردا پياز بەن ءسابىز سەكىلدى ماۋسىمدىق كوكونىس تۇرلەرىن كوپتەپ ەگۋ ۇسىنىلدى.
وڭىردە الەۋمەتتىك سۇرانىستاعى 19 ءتۇرلى ازىق-ت ۇلىك تاۋارلارىنىڭ باعاسى باقىلاۋعا الىنعان. باعانى تۇراقتى ساقتاۋ ءۇشىن وبلىستىق تۇراقتاندىرۋ قورى ساۋدا ورتالىقتارىنا تاۋارلاردى جەتكىزىپ وتىر. بازارداعى ازىق-ت ۇلىك باعالارىنىڭ قۇبىلىپ تۇراتىنىن ەسكەرگەن وبلىس باسشىلىعى كاسىپكەرلەرمەن الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن نەگىزسىز كوتەرمەۋ جونىندە جيىن وتكىزىپ, ورتاق كەلىسىمگە كەلگەن. ارنايى ءموبيلدى توپ باعانى كۇندەلىكتى باقىلاۋدا. وڭىرلىك تۇراقتاندىرۋ قورى ارقىلى باعا سۇراتۋ تاسىلىمەن قوسىمشا 403,4 توننا ازىق-ت ۇلىك تاۋارلارى ساتىپ الىنعان.
