شىمكەنت قالاسىندا قىلمىستىڭ سانىن ازايتۋ جانە الدىن الۋ ماقساتىندا ۋچاسكەلىك پوليتسيا قىزمەتكەرلەرى تۇرعىندارمەن ۇيلەردىڭ كىرەبەرىسىنە ءتيىستى كامەرالاردى ورناتۋ بويىنشا ۇگىت-ناسيحات جۇمىستارىن جۇرگىزدى.
ناتيجەسىندە, كوپ قاباتتى ۇيلەردىڭ كىرە-بەرىستەرىنە 2 462 كامەرا ورناتىلىپ, قىلمىستىڭ تومەندەۋىنە ىقپال ەتتى. بۇل جونىندە شىمكەنت قالاسى پد باستىعى ە.جۇماحانبەتوۆ اقپاراتتىق-كوممۋنيكاتسيالىق ورتالىقتا وتكەن بريفينگتە مالىمدەدى.
– پيلوتتىق جوبا رەتىندە "قازاقتەلەكوم" تەلەكوممۋنيكاتسيالىق كومپانياسى ارقىلى بەينەباقىلاۋ كامەرالارى قاراشا ايىندا شىمكەنت قپد جەدەل باسقارۋ ورتالىعىنا قوسىلعان بولاتىن. اتالعان جوبا نەگىزىندە قىلمىس سانى ەداۋىر ازايدى. بۇگىندە 16 قاراشا مەن 7 جەلتوقسان ارالىعىندا, قالا كولەمىندە 955 قىلمىس تىركەلگەن. توناۋ – توعىز (2019-29), بۇزاقىلىق – 26 (2019-61), ۇرلىق – 269 (2019-518). ال پاتەر ۇرلىعى – 27 بولىپ, وتكەن جىلمەن سالىستىرعاندا 70 پايىزعا تومەندەدى, – دەدى دەپارتامەنت باستىعى.
سونىمەن قاتار, نولدىك توزىمدىلىك قاعيداسى جانە اكىمشىلىك قۇقىق بۇزۋشىلىق بويىنشا 758 قۇقىقبۇزۋشىلىق انىقتالعان.
ونىڭ ىشىندە قر اقبتك 434-بابى – 294 (ۇساق بۇزاقىلىق), قر اقبتك 440-بابى – 63 (قوعامدىق ورىندا سپيرتتىك ىشىمدىك ءىشۋ), قر اقبتك 449-بابى – ەكى (قايىرشىلىق), قر اقبتك 517-بابى – بەس (كوشى-قون زاڭناماسىن بۇزۋ), قر اقبتك 441-بابى – 146 (قوعامدىق ورىندا تەمەكى شەگۋ جانە تاستاۋ), قر اقبتك 204-بابى – سەگىز (زاڭسىز ساۋدا), قر اقبتك جول ەرەجەسىن بۇزۋ – 161, قر اقبتك 442-2-بابى (تۇنگى ۋاقىتتا اتا-اناسىز جانە زاڭدى وكىلسىز ۇيدە تىس جەردە جۇرگەنى بويىنشا) – 79.
