اقتوبە وبلىسى العا اۋدانى بەستاماق اۋىلىنىڭ تۇرعىندارى "پاريجسكايا كوممۋنا XXI" جشس مال شارۋاشىلىعى كاسىپورنىنىڭ قىزمەتىنە قاتىستى ايماقتىڭ ەكولوگيا دەپارتامەنتىنە شاعىمداندى.
جاقىندا جۇرگىزىلگەن جوسپاردان تىس تەكسەرۋ بارىسىندا, قازىلعان ترانشەيالاردا بيولوگيالىق جانە قۇرىلىس قالدىقتارىن ءىشىنارا كومۋ ارقىلى ارالاس تۇردە ورنالاستىرۋ فاكتىسى انىقتالدى. ورنالاستىرۋ الاڭى 5,6 گا قۇرادى.
بۇل رەتتە, ەكولوگيالىق جوبادا جانۋارلاردىڭ قالدىقتارىن قايتا وڭدەۋ كوزدەلگەن.
جوبالىق قۇجاتتامادا اعىندى سۋلاردى تازالاۋعا ارنالعان جابدىق تا جوق.
اعىزۋ بايباقتى وزەنىنىڭ ارناسىنا تازارتۋسىز جۇزەگە اسىرىلعان. توپىراق سىنامالارىنىڭ حيميالىق تالداۋى الاڭدا لاستاۋشى زاتتاردىڭ 26 مىڭ م2 استام كونتسەنتراتسياسىنىڭ ارتۋىن كورسەتتى.
سونىمەن قاتار, 40 مىڭ باس شوشقاعا ارنالعان مال شارۋاشىلىعى كەشەنىندە 51 مىڭنان استام باس بولعان.
انىقتالعان ەكولوگيالىق زاڭنامانى بۇزعانى ءۇشىن دەپارتامەنتپەن كاسىپورىن قاتىناسىنا 11 اكىمشىلىك ءىس قوزعالدى. سونداي-اق, سۇراتىلعان مالىمەتتەردى بەرۋگە كەدەرگى كەلتىرگەنى ءۇشىن 3 اكىمشىلىك حاتتاما تولتىرىلدى.
اتالعان فاكتى بويىنشا قىلمىستىق ءىس قوزعالدى. قازىرگى ۋاقىتتا, كاسىپورىننىڭ قورشاعان ورتاعا كەلتىرگەن زالالدارىنىڭ سوماسى ەسەپتەلۋدە. بۇدان باسقا, قالدىقتاردى ورنالاستىرۋ جانە سارقىندى سۋلاردى اعىزۋ بولىگىندە جشس قىزمەتىن توقتاتا تۇرۋ تۋرالى تالاپ ارىزعا باستاما جاسالاتىن بولادى.
