«ەرىكتى بولۋ - جاي عانا يگى ىستەر جاساۋ ەمەس, بۇل ءومىر سالتى. بۇگىن مەملەكەت باسشىسى ۆولونتەر جىلىن قورىتىندىلادى. پرەزيدەنت اتاپ وتكەندەي, بۇل جىل ءبىزدىڭ ەلىمىزدە عانا ەمەس, بۇكىل الەم تاريحىندا اسا كۇردەلى كەزەڭدەردىڭ ءبىرى بولعانىنا قاراماستان, «قايىرىمدى ىستەر» جالپىۇلتتىق يدەياسى ون مىڭداعان قازاقستاندىقتىڭ قايىرىمدىلىعى مەن جاناشىرلىعىنىڭ ارقاسىندا ءومىر شىندىعىنا اينالدى. وتانداستارىمىز ۇلت رۋحىنىڭ مىزعىماس بەرىكتىگىن, بىرلىك پەن ىنتىماقتىڭ, تۇتاستىق پەن تىلەكتەستىكتىڭ, شىنايى ىقىلاس پەن ءبىر-بىرىنە دەگەن قامقورلىقتىڭ جارقىن ۇلگىسىن كورسەتتى.
ەرىكتىلەر ەلوردا ومىرىنە ەتەنە ارالاسادى. ولار پاندەميامەن كۇرەستە ۇلكەن ۇلەس قوسىپ, مەديتسينا, پوليتسيا قىزمەتكەرلەرىمەن بىرگە الدىڭعى شەپتە كەلەدى. ەرىكتىلەر بلوك-بەكەتتەردە كەزەكشىلىك ەتىپ, دەزينفەكتسيا جۇرگىزۋگە قاتىستى. ءدارى-دارمەكتەر, قورعانىس قۇرالدارىن, ازىق-ت ۇلىك سەبەتتەرىن تاسىمالداپ جاتىر. زەينەتكەرلەرگە قول ۇشىن سوزىپ, ءۇي شارۋاسىنا كومەكتەسەدى. ءتارتىپ ساقشىلارىمەن بىرلەسە رەيدتەر جۇرگىزەدى. ولاردىڭ ەڭبەگىنىڭ ارقاسىندا ينفەكتسيانىڭ تارالۋىنىڭ ىقتيمال وشاقتارىن وقشاۋلاۋعا مۇمكىن بولىپ وتىر.
سونىمەن بىرگە ەرىكتىلەرىمىز ارىس, ماقتاارال اۋدانىن قالپىنا كەلتىرۋگە كومەكتەستى. «Taza Alem» ەكولوگيالىق قوزعالىسىنا قاتىسىپ, اعاش وتىرعىزدى. ولاردىڭ ەڭبەگى اۋقىمدى ءارى ماڭىزدى. ارقايسىسى ەلىمىز بەن باس قالانىنىڭ دامۋىنا ءوز ۇلەسىن قوسىپ كەلەدى. بۇگىن ەرىكتىلەر «حالىق العىسى» مەدالىمەن ماراپاتتالدى. ولارعا العىس ايتا وتىرىپ, مىقتى دەنساۋلىق, يگى باستامالارىنا تابىس تىلەيمىن!» - دەپ جازدى التاي كولگىنوۆ.
