كەلىسسوزدەر بارىسىندا تاراپتار ەكىجاقتى فورماتتاعى جانە حالىقارالىق ۇيىمدار شەڭبەرىندەگى قازاقستان مەن پولشا اراسىنداعى قارىم-قاتىناستاردىڭ احۋالى جانە دامۋ كەلەشەگىن تالقىلادى. ساياسي, ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى كەڭەيتۋگە, سونداي-اق وڭىرارالىق ءوزارا ءىس-قيمىل مۇمكىندىكتەرىنە ەرەكشە نازار اۋدارىلدى. وڭىرلىك جانە جاھاندىق كۇن ءتارتىبىنىڭ اعىمداعى ماسەلەلەرىنە قاتىستى جان-جاقتى جانە ءتيىمدى پىكىر الماستى.
دەلەگاتسيا باسشىلارى «COVID-19» پاندەمياسىنىڭ سالدارىن ەڭسەرۋ بويىنشا ءوزارا ءتيىمدى كومەك پەن بىرلەسكەن كۇش-جىگەردى اتاپ ءوتتى. كەزدەسۋ قورىتىندىسى بويىنشا قازاقستان مەن پولشانىڭ سىرتقى ساياسي ۆەدومستۆولارى اراسىنداعى ءوزارا قىزىعۋشىلىق تۋدىراتىن بارلىق سالالارداعى ەكىجاقتى ارىپتەستىكتى ودان ءارى دامىتۋعا باعىتتالعان ديالوگتى جالعاستىرۋ تۋرالى ۋاعدالاستىققا قول جەتكىزدى.
