سۋرەت ەلباسىنىڭ ءباسپاسوز قىزمەتىنەن الىندى
كەزدەسۋدە جاھاندىق پاندەميا سالدارىنان تۋىنداعان داعدارىس جاعدايىنداعى ەلدىڭ ەكونوميكالىق دامۋىنىڭ وزەكتى ماسەلەلەرى تالقىلاندى.
– قازىر كۇللى الەم جۇرتشىلىعى قيىن جاعدايدى باستان وتكەرۋدە. ەكونوميكا 3-4 پايىزعا تومەندەيدى دەپ بولجانۋدا. بۇگىن وزىڭىزبەن الەمدە قالىپتاسقان احۋالعا بايلانىستى پىكىر الىسقىم كەلىپ وتىر, – دەدى قازاقستاننىڭ تۇڭعىش پرەزيدەنتى.
سۋما چاكرابارتي الەمدىك ەكونوميكانىڭ قالپىنا كەلۋىنە جانە الداعى پەرسپەكتيۆالارىنا قاتىستى بولجامدار تۋرالى ءوز ويىمەن ءبولىستى. سونىمەن بىرگە رەفورمالار جونىندەگى جوعارى كەڭەس توراعاسىنىڭ ورىنباسارى تاۋەلسىز قازاقستاندى قۇرۋ جانە دامىتۋ ىسىندەگى نۇرسۇلتان نازارباەۆتىڭ ەڭبەگىن جوعارى باعالادى.
– ەۋروپا قايتا قۇرۋ جانە دامۋ بانكىن باسقارعان كەزدەگى ءبىزدىڭ بىرلەسكەن جۇمىسىمىزدى جىلى سەزىممەن ەسكە الامىن. ءبىز ءسىزدىڭ ەلمەن تىعىز قارىم-قاتىناستا بولدىق. قازاقستان بەرىك ىنتىماقتاستىق ورناتقان العاشقى بەس مەملەكەتتىڭ قاتارىنا كىردى. بۇل ءسىزدىڭ بەلسەنە اتسالىسۋىڭىزدىڭ ارقاسىندا مۇمكىن بولدى. سونداي-اق مەن ءسىزدىڭ تاۋەلسىز قازاقستاندى قۇرۋ جولىنداعى قاجىر-قايراتىڭىزعا تامسانا قارايمىن, – دەدى س.چاكرابارتي.
