گ. اتتى ازاماتشا وسىدان ەكى اي بۇرىن باس ءمۇفتي ناۋرىزباي قاجى تاعان ۇلىنىڭ اتىنا ارنايى حات جازىپ, ءوزىنىڭ 2015 جىلدان باستاپ وكپە دەمىكپەسىنە شالدىققانىن, سول كەزدەن باستاپ 24 ساعات بويى يۆل اپپاراتىنا مۇقتاج ەكەنىن, اپپاراتسىز مۇلدەم قيمىلداي المايتىنىن, قازىرگى ۋاقىتتا ءوزىنىڭ اپپاراتى بۇزىلىپ تۇرعانىن, سوندىقتان جاڭا اپپارات الۋعا جاردەم بەرۋدى سۇراعان بولاتىن.
باس ءمۇفتي ناۋقاس جاننىڭ تىلەگىن قابىل الىپ, "زەكەت" قورىنىڭ ديرەكتورى تالعات وماروۆقا حات يەسىنە اپپاراتتى تەزىرەك جەتكىزىپ بەرۋدى تاپسىردى. ايتا كەتەيىك, پاندەميا باستالعالى "زەكەت" قورى ەلىمىزدەگى ناۋقاس جاندارعا قول ۇشىن سوزۋ ماقساتىندا "ومىرگە ءۇمىت سىيلا" اكتسياسىن وتكىزدى. اكتسيا اياسىندا دەمەۋشى ازاماتتاردىڭ كومەگىمەن 18 دانا وكپەنى جاساندى تىنىستاندىرۋ اپپاراتى, 891 وتتەگى قۇرىلعىسى, 20 وباعا قارسى كيىم, 255 مونومەتر, 528 پۋلسومەتر, 60 تەرمومەتر, 136 701 بەتپەردە,15 000 قولعاپ جانە باسقا دا ءدارى-دارمەكتەردى ءتيىستى ورىندارعا جەتكىزدى.
