«ەلوردا تۇرعىندارى مەن قوناقتارىنا قىراعى بولۋعا, اۋا رايىنىڭ وزگەرۋى جانە ەنگىزىلگەن شەكتەۋلەر تۋرالى اقپاراتتى ءجىتى قاداعالاۋعا كەڭەس بەرىلەدى. قۇرىلىس نىساندارىنا حالىقتى جانە اۋماقتى قولايسىز اۋا رايى جاعدايلارىنىڭ اسەرىنەن قورعاۋ جونىندە قوسىمشا شارالار قابىلداۋ, مۇمكىندىگىنشە قۇرىلىس نىساندارىنداعى قۇرىلىس-مونتاج جۇمىستارىنىڭ قىزمەتىن شەكتەۋ قاجەت», - دەلىنگەن توتەنشە جاعدايلار دەپارتامەنتىنىڭ حابارلاماسىندا.
سونىمەن قاتار قۇتقارۋشىلار بوران كەزىندەگى حالىقتىڭ ءىس-ارەكەتتەرىن اتاپ ءوتتى:
- تەرەزەلەردى, ەسىكتەردى, شاتىر ليۋكتەرىن جانە جەلدەتكىش ساڭىلاۋلاردى تىعىز جابىڭىز;
- بالكوندار مەن تەرەزە الدى تاقتايلارىنان اۋا اعىنى باسىپ قالۋى مۇمكىن زاتتاردى الىپ تاستاڭىز;
- ەلدى مەكەننەن تىس جەرلەرگە شىقپاۋعا تىرىسىڭىز ;
- جالعىز شىقپاۋعا تىرىسىڭىز.
ەگەر ءسىز جولدا بولساڭىز:
- ۇلكەن جولدار مەن تاس جولدا عانا ءجۇرىڭىز.
- ماشينادان شىققان كەزدە ودان الىستاماۋعا تىرىسىڭىز.
- ماشينانىڭ اقاۋلىعى بولسا نەمەسە جول كورىنبەسە: جولدىڭ جيەگىنە توقتاڭىز; ءۇزىلىسسىز گۋىلدەرمەن دابىل بەرىڭىز, سورعىشتى (كاپوت) كوتەرىڭىز نەمەسە انتەنناعا اشىق ءتۇستى ماتانى ءىلىڭىز, اۆتوكولىكتە كومەك كۇتىڭىز.
توتەنشە جاعدايلار دەپارتامەنتى توتەنشە جاعداي تۋىنداعان كەزدە «112» نومىرىنە قوڭىراۋ شالۋ كەرەگىن ەسكەرەدى.
