بۇگىنگە دەيىن ساراپشىلار 100 قوعامدىق تاماقتانۋ وبەكتىلەرىندە نۇسقاۋلىق وتكىزدى. بايقوڭىر اۋدانىندا 39 قوعامدىق تاماقتانۋ وبەكتىدە, 11 اگقس, 5 باراق ۇلگىسىندەگى ءۇي; ەسىل اۋدانىندا – 10 قوعامدىق تاماقتانۋ وبەكتىدە, سارىارقا اۋدانىندا – 30 قوعامدىق تاماقتانۋ وبەكتىدە, الماتى اۋدانىندا – 20 قوعامدىق تاماقتانۋ وبەكتى مەن 2 جاتاقحانادا پروفيلاكتيكالىق تۇسىندىرۋلەر جۇرگىزىلدى.
الدىن الۋ شارالارى ءۇشىن باق-پەن بىرگە الەۋمەتتىك ينفراقۇرىلىم وبەكتىلەرىندە گاز باللوندارىن پايدالانۋ بويىنشا تۇسىنىكتەمە بەرىلدى.
سونداي-اق, ZOOM ارقىلى كاسىپكەرلىك نىساندارىمەن سەمينار وتكىزىلدى.
"سونىمەن قاتار, ازاماتتار بۇزۋشىلىق فاكتىسىن جانە كاسىپكەرلىك سۋبەكتىسىنىڭ (وبەكتىسىنىڭ) اتاۋىن كورسەتە وتىرىپ, جازباشا ءوتىنىش بەرگەن جاعدايدا, اكىمشىلىك شارالاردى قولدانا وتىرىپ, قازاقستان رەسپۋبليكاسىنىڭ كاسىپكەرلىك كودەكسىنە سايكەس تەكسەرۋ شارالارى ۇيىمداستىرىلادى", - دەپ اتاپ ءوتتى تۇرعىن ءۇي ينسپەكتسياسىندا.
ەسكە سالا كەتەيىك, ەلوردا اكىمى التاي كولگىنوۆتىڭ تاپسىرماسى بويىنشا جۇمىس توبى قۇرىلدى. وعان تجد, ءىىم, تۇرعىن ءۇي ينسپەكتسياسى, اكىمدىك, ونەركاسىپ قاۋىپسىزدىك دەپارتامەنتىنىڭ وكىلدەرى كىردى. ولار قوعامدىق تاماقتانۋ ورىندارىندا ءورت قاۋىپسىزدىگىنىڭ ساقتالۋىن تەكسەرەدى.
وسى باعىت بويىنشا جۇمىس تۇراقتى نەگىزدە جۇرگىزىلەدى.
