ايماقتار • 08 جەلتوقسان، 2020

ناۋىرزىم اۋدانىندا 210 جاڭا جۇمىس ورنى اشىلدى

29 رەت كورسەتىلدى

قوستاناي وبلىسىنىڭ ناۋىرزىم اۋدانىندا بيىل "ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ" باعدارلاماسى اياسىندا 210 جاڭا جۇمىس ورنى اشىلدى، دەپ حابارلايدى Egemen.kz

بۇل تۋرالى وڭىرلىك كوممۋنيكاتسيا قىزمەتىندەگى ءباسپاسوز جيىنىندا ءوڭىردىڭ الەۋمەتتىك-ەكونوميكالىق دامۋى جونىندە بايانداعان اۋدان باسشىسى تالعات كاربوزوۆ ايتتى.

اكىمنىڭ سوزىنشە، ناۋىرزىم اۋدانىندا بيىل جۇمىسپەن قامتۋ سەكتورىنا 547 ادام جۇگىنىپ، 491 ادام ەڭبەكپەن قامتۋدىڭ بەلسەندى شارالارىنا تارتىلعان. سونىمەن قاتار، 210 ادام تۇراقتى  جۇمىسقا ورنالاسقان.

"باعدارلامانىڭ بارلىق باعىتتارى بويىنشا جالپى سوماسى 28 ملن 984 مىڭ تەڭگە يگەرىلدى. الەۋمەتتىك جۇمىس ورىندارىنا 20 ادام ورنالاستىرىلىپ، 38 ادام كاسىبي دايىندىققا جىبەرىلدى. جوعارعى جانە ورتا ارناۋلى وقۋ ورىندارىنىڭ 18 تۇلەگى جاستار پراكتيكاسىنان ءوتتى. اۋدان بويىنشا جۇمىسسىزدىق دەڭگەيى - 1،4 %. سونىمەن قاتار، اۋداندا الەۋمەتتىك كومەكتىڭ بارلىق تۇرلەرىنە 140 ملن 50 مىڭ تەڭگە ءبولىندى. بيىل مۇمكىندىگى شەۋتەۋلى 6 ادام جۇمىسقا ورنالاستى. ال 8  ادام جالپى سوماسى 4 ملن 445 مىڭ تەڭگەگە جەكە شاعىن كاسىپتەرىن اشۋعا  قايتارىمسىز قارجى گرانتىن الدى"، دەدى تالعات كاربوزوۆ.

بيىل ناۋىرزىم اۋدانىنا وڭتۇستىك وڭىرلەردەن جالپى سانى 13 جان بار 3 وتباسى قونىس اۋدارعان.  

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار