قىسقى سەسسيا بارىسىندا 150 مىڭنان استام ەمتيحان وتكىزۋ جوسپارلانىپ وتىر. قاشىقتان وقىتۋعا كوشۋگە بايلانىستى ەمتيحاندار, نەگىزىنەن, قاشىقتان وتكىزىلەدى. «پەداگوگيكالىق عىلىمدار», «اقپاراتتىق-كوممۋنيكاتسيالىق تەحنولوگيالار», «گۋمانيتارلىق جانە الەۋمەتتىك عىلىمدار», «جۋرناليستيكا», «بيزنەس, باسقارۋ جانە قۇقىق» جانە ت.ب. باعىتتار بويىنشا ەمتيحاندار تەستىلەۋ, ەسسە جازۋ جانە جوبالار قورعاۋ فورماتىندا وتەدى.
ينجەنەرلىك, وڭدەۋشى سالالار, اۋىل شارۋاشىلىعى, دەنساۋلىق ساقتاۋ جانە ت.ب. وقۋ باعدارلامالارى بويىنشا ەمتيحاندار كۇندىزگى فورماتتا ۇيىمداستىرىلاتىن بولادى.
