سالتاناتتى راسىمنەن كەيىن قازاكستاندىق ديپلوماتتىڭ حالىقارالىق ۇيىمنىڭ باسشىسىمەن ەكىجاقتى كەزدەسۋى ءوتتى. كەزدەسۋ بارىسىندا حيميالىق قاۋىپسىزدىك سالاسىنداعى ودان ءارى ىنتىماقتاستىق ماسەلەلەرى تالقىلاندى.
تاراپتار الەمدەگى حيميالىق قارۋدىڭ بارلىق تۇرلەرىن جويۋ بويىنشا شارالار قابىلداۋدىڭ ماڭىزدىلىعى تۋرالى ايتتى.
وسى تۇرعىدا قازاقستان رەسپۋبليكاسىنىڭ وكىلى قازاقستان حقتۇ قاعيداتتارىن تولىق ۇستاناتىنىن جانە حيميالىق قارۋعا تىيىم سالۋ تۋرالى كونۆەنتسيانى تولىعىمەن ساقتايتىنىن حابارلادى. ءوز كەزەگىندە ف.ارياس قازاقستان رەسپۋبليكاسىنىڭ حقتۇ دامۋىنا قوسقان ۇلەسىن جانە ۇيىمنىڭ حيميالىق-تەحنولوگيالىق ورتالىعىن سالۋ جوباسىن قولداۋىنا جوعارى باعا بەردى. سۇحباتتاسۋشىلار قازاقستاننىڭ جاھاندىق يادرولىق قارۋسىزدانۋ سالاسىنداعى جەتىستىكتەرى تاقىرىبىنا دا توقتالدى. قازاقستاننىڭ تۇراقتى وكىلى ءوز سوزىندە ەلiمiز يادرولىق پوليگوندى ءبىرىنشى بولىپ جاۋىپ, قولدانىستاعى يادرولىق قارۋدان ءوز ەركىمەن باس تارتقانىن اتاپ ءوتتى. سونىمەن قاتار, وكىل 2021 جىلى سەمەيدە ورنالاسقان الەمدەگى ەڭ ءىرى يادرولىق سىناق پوليگونىنىڭ جابىلعانىنا 30 جىل تولاتىنىن ايتىپ, بۇل تۇڭعىش پرەزيدەنت – ەلباسى نۇرسۇلتان نازارباەۆتىڭ قاۋىپسىز جانە ورنىقتى الەمنىڭ قالىپتاسۋىنا ەرەكشە ۇلەس قوسقان تاريحي شەشىمى - دەدى.
