قىزىلوردالىق ەرىكتىلەردى مەرەكەمەن ورتالىقتىڭ ديرەكتورى باۋىرجان ماستەكوۆ, قر مەملەكەتتىك قىزمەت ىستەرى اگەنتتىگىنىڭ وبلىستىق دەپارتامەنتىنىڭ باسشىسى رافحات بيسەنوۆ, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ وبلىستىق فيليالىنىڭ ديرەكتورى مۇرات ءايتىموۆ قۇتتىقتادى.
"ەرىكتىلەر قيىن ۋاقىتتا ەلگە كومەك كورسەتتى. بولاتبەك ايتبەنبەتوۆتىڭ باسقارۋىنداعى ۆولونتەرلەردىڭ فرونت-ءوفيسىنىڭ ۇلەسىن باعالاۋ كەرەك. ەرىكتىلەر ءدارى-دارمەك تاراتىپ, وتتەگى باللوندارىن جەتكىزىپ, قايىرىمدىلىقپەن اينالىسقان", — دەدى ب.ماستەكوۆ.
سالتاناتتى ءبولىم ترەنينگتەرمەن, العاشقى مەديتسينالىق كومەك كورسەتۋ بويىنشا ماستەر-كلاسسپەن جانە زياتكەرلىك ويىندارمەن جالعاستى. ەرەكشە كوزگە تۇسكەن ەرىكتىلەرگە العىس حاتتار مەن دەمەۋشىلەر اتىنان سىيلىقتار تابىس ەتىلدى. سونداي-اق ەرىكتىلەر كۇنىنە ارنالعان فوتوبايقاۋدىڭ جەڭىمپازدارىنا قۇرمەت كورسەتىلدى.
