اڭگىمە بارىسىندا قازاقستان ەلشىسى ريم پاپاسى فرانتسيسككە پرەزيدەنت قاسىم-جومارت توقاەۆتىڭ جىلى لەبىزىن جەتكىزىپ, ريم پاپاسىنىڭ الەمدىك جانە ءداستۇرلى دىندەر كوشباسشىلارىنىڭ VII سەزىنە قاتىساتىنان ءوز ءۇمىتىن ءبىلدىردى.
ريم پاپاسى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ الەمدىك جانە ءداستۇرلى دىندەر كوشباسشىلارى اراسىنداعى سەنىم مەن ءوزارا تۇسىنىستىككە نەگىزدەلگەن ديالوگ قۇرۋ تۋرالى باستاماسىنىڭ ىسكە اسىرىلۋىن جوعارى باعالادى.
ريم پاپاسى فرانتسيسك ءوز سوزىندە: «بۇگىندە, مۇمكىن, بۇرىنعىدان دا كوپ ءبىزدىڭ جاھاندانۋ الەمى ءبىزدىڭ پلانەتامىزدىڭ الدىندا تۇرعان ەلەۋلى قاتەرلەرگە قارسى تۇرۋ ءۇشىن ادامزاتتى بىرىكتىرەتىن جانە جاس ۇرپاققا ارنالعان جارقىن بولاشاقتى قۇرا الاتىن شىنايى جانە قۇرمەتتى ديالوگ پەن ىنتىماقتاستىقتى دامۋ قاجەت» - دەدى.
ۆاتيكانعا ساپارى بارىسىندا ءا.باقاەۆ قاسيەتتى تاقتىڭ جوعارعى باسشىلىعىمەن, اتاپ العاندا كاردينال پەترو پارولين, ۆاتيكاننىڭ مەملەكەتتىك حاتشىسىمەن (پرەمەر-مينيستر), ونىڭ ورىنباسارى ارحيەپيسكوپ ەدگار پاررا جانە ارحيەپيسكوپ پول گاللاحەر, مەملەكەتتەرمەن بايلانىس جونىندەگى حاتشىسىمەن (سىرتقى ىستەر ءمينيسترى) كەزدەسۋلەر وتكىزدى.
كەلىسسوزدەر بارىسىندا ەكىجاقتى ىنتىماقتاستىقتىڭ وزەكتى ماسەلەلەرى, ۆاتيكاننىڭ قازاقستان ەلورداسىندا وتكەن الەمدىك جانە ءداستۇرلى دىندەر كوشباسشىلارىنىڭ سەزىنە قاتىسۋى, سونداي-اق مادەني-گۋمانيتارلىق بايلانىستاردى كەڭەيتۋ ماسەلەلەرى تالقىلاندى.
