«اسىرەسە 59,5 جاسقا بىلتىر تولعان ايەلدەردىڭ نازارىن ەرەكشە اۋدارعىمىز كەلەدى. ەگەر ولار تولەم تاعايىنداۋعا جىل سوڭىنا دەيىن جۇگىنبەسە, مۇنى كەلەسى جىلى تەك 60 جاسقا تولعاننان كەيىن عانا جاساي الادى. «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭىنا سايكەس ايەلدەردىڭ زەينەتكە شىعۋ جاسى جىل سايىن جارتى جىلعا ۇلعايىپ, 2027 جىلى ەرلەرمەن تەڭەسەتىنى بەلگىلى. ەستەرىڭىزگە سالا كەتەيىك, بجزق-دان زەينەتاقى تولەمدەرى الۋشى ءوتىنىش بەرگەن كۇننەن باستاپ بەلگىلەنەدى جانە زەينەتاقى جيناقتارى تاۋسىلعانعا دەيىن جۇزەگە اسىرىلادى» دەلىنگەن قور مالىمدەمەسىندە.
زەينەتكەرلىك جاسقا تولۋىنا بايلانىستى بىرىڭعاي ءوتىنىش بەرۋ ءۇشىن مەملەكەتتىك كورپوراتسيانىڭ جۇمىس كەستەسىنە سايكەس «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق-قا وزىڭىزگە ىڭعايلى ۋاقىتتا جۇگىنۋ قاجەت. زەينەتاقى تولەمىن تاعايىنداۋ تۋرالى ءوتىنىشتى زەينەتكەرلىك جاسقا تولعانعا دەيىنگى 10 كۇن ىشىندە بەرۋگە بولادى.
بىرىڭعاي ءوتىنىش نەگىزىندە الۋشىعا مەملەكەتتىك كەپىلدىك (ينفلياتسيا دەڭگەيىن ەسكەرە وتىرىپ, ناقتى ەنگىزىلگەن مىندەتتى زەينەتاقى جارنالارىنىڭ, مىندەتتى كاسىپتىك زەينەتاقى جارنالارىنىڭ سوماسى مەن زەينەتاقى جيناقتارىنىڭ سوماسى اراسىنداعى ايىرما) تولەۋ بويىنشا بەلسەندى قىزمەت تە كورسەتىلەدى.
بجزق الۋشىلاردىڭ قازاقستان رەسپۋبليكاسى زاڭناماسىنىڭ ەرەجەلەرىنە سايكەس ەسەپتەلگەن زەينەتاقى تولەمدەرىنىڭ سومالارىن مەملەكەتتىك كورپوراتسياعا اۋدارادى. اي سايىنعى زەينەتاقى تولەمىنىڭ مولشەرى ۇكىمەتتىڭ 2013 جىلعى №1042 قاۋلىسىمەن بەكىتىلگەن زەينەتاقى تولەمدەرىنىڭ مولشەرىن ەسەپتەۋدى جۇزەگە اسىرۋ ادىستەمەسىنە سايكەس ەسەپتەلگەن زەينەتاقى تولەمدەرىنىڭ جىلدىق سوماسىنىڭ ون ەكىدەن ءبىر بولىگى رەتىندە ايقىندالادى.
بۇل رەتتە اي سايىنعى زەينەتاقى تولەمىنىڭ ەسەپتەلگەن مولشەرىنىڭ تولەمى رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ەڭ تومەن كۇنكورىس دەڭگەيىنىڭ 54 پايىزىنان كەم ەمەس مولشەردە جۇزەگە اسىرىلادى (01.04.2020 ج. باستاپ – 17 640,72 تەڭگە = 54% * 32 668).
ەگەر ءوتىنىش بەرىلگەن كۇنگى زەينەتاقى جيناقتارىنىڭ سوماسى ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭدا بەلگىلەنگەن ەڭ تومەن زەينەتاقىنىڭ ون ەكى ەسەلەنگەن مولشەرىنەن اسپايتىن بولسا, بۇل سوما الۋشىعا بجزق-دان ءبىر رەت ءبىرجولا تولەنەدى. 2020 جىلدىڭ 1 ساۋىرىنەن باستاپ بۇل سوما 485 292 تەڭگەگە تەڭ.
الماتى
