رەسەي فەدەراتسياسىندا شوشقانىڭ افريكالىق وباسىنىڭ تىركەلۋىنە بايلانىستى قر اشم ۆەتەريناريالىق باقىلاۋ جانە قاداعالاۋ كوميتەتى 2015 جىلعى 29 قىركۇيەكتەن, 2017 جىلعى 20 قاراشادان, 2018 جىلعى 22 ماۋسىمنان جانە 2019 جىلعى 27 اقپاننان باستاپ قازاقستان ارقىلى تىرى شوشقالاردى, قابان ۇرىعىن (شاۋەتىن), شوشقا ەتى مەن جابايى قابان ەتىن, ولاردىڭ گەنەتيكالىق ماتەريالىن, شوشقا شارۋاشىلىعى ونىمدەرىن (شوشقانىڭ افريكالىق وباسى ۆيرۋسىنىڭ جويىلۋىنا كەپىلدىك بەرەتىن, ءونىمنىڭ قالىڭدىعىندا 72°س جوعارى تەرميالىق وڭدەۋدەن وتپەگەن) الىپ كەلۋگە جانە ترانزيتىنە ۋاقىتشا شەكتەۋلەر ەنگىزدى. سونىڭ ىشىندە ۆولگوگراد, كالينينگراد, لەنينگراد, نيجني نوۆگورود, ورەل, سامارا, تامبوۆ, تيۋمەن جانە چەليابى, كراسنودار, كراسنويارسك جانە پريمورسك وبلىستارىنان تەرميالىق وڭدەۋدەن وتپەگەن: جابايى قابانداردىڭ ونىمدەرىن, بىلعارى جانە ىشەك شيكىزاتىن, قىلشىقتاردى, شوشقالارعا ارنالعان جەمدى, سونداي-اق شوشقالاردى ۇستاۋ, سويۋ جانە كەسۋ ءۇشىن پايدالانىلاتىن جابدىقتاردى قازاقستان شەكاراسىنان وتكىزۋگە تىيىم سالىنعان.
2020 جىلعى 2 جەلتوقساندا حالىقارالىق ەپيزووتيالىق بيۋرونىڭ رەسمي نوتيفيكاتسياسىنىڭ نەگىزىندە ۆەتەريناريالىق باقىلاۋ جانە قاداعالاۋ كوميتەتى رف-نىڭ ارحانگەلسك, ومبى, ورىنبور جانە كۋرسك وبلىستارىنان دا جوعارىدا اتالعان ونىمدەردى الىپ كەلۋگە جانە ولاردىڭ ترانزيتىنە ۋاقىتشا شەكتەۋلەر ەنگىزدى.
اشم ۆەتەريناريالىق باقىلاۋ جانە قاداعالاۋ كوميتەتى قابىلداعان شارالار تۋرالى ساۋدا جانە ينتەگراتسيا مينيسترلىگى تەحنيكالىق رەتتەۋ جانە مەترولوگيا كوميتەتىنىڭ "قازاقستان ستاندارتتاۋ جانە سەرتيفيكاتتاۋ ينستيتۋتى" رمك ساۋداداعى تەحنيكالىق كەدەرگىلەر, سانيتارلىق جانە فيتوسانيتارلىق شارالار جونىندەگى اقپاراتتىق ورتالىعىن, رف "روسەلحوزنادزور" جانە ۆەتەريناريالىق باقىلاۋ جانە قاداعالاۋ كوميتەتىنىڭ اۋماقتىق بولىمشەلەرىن حاباردار ەتتى.
قازاقستان اۋماعىندا ينفەكتسيانىڭ تارالۋىنا جول بەرمەۋ ءۇشىن ۆەتەريناريالىق باقىلاۋ جانە قاداعالاۋ كوميتەتى بىرقاتار ءىس-شارالار ازىرلەپ, ۇيىمداستىرۋشىلىق, ۆەتەريناريالىق-سانيتاريالىق جانە شارۋاشىلىق جۇمىس جوسپارىن قولدانىسقا ەنگىزدى.
اتاپ ايتقاندا, اعىمداعى جىلدىڭ 2 جەلتوقسانىندا شوشقانىڭ افريكالىق وباسىنىڭ الدىن الۋ بويىنشا جەدەل كەڭەس وتكىزىلدى, وندا ايماقتىق ينسپەكتسيالارعا, ۆەدومستۆولىق باعىنىستى ۇيىمدار مەن جەرگىلىكتى اتقارۋشى ورگاندارعا ءتيىستى تاپسىرمالار بەرىلدى.
بۇدان باسقا, ۆەتەريناريالىق باقىلاۋ جانە قاداعالاۋ كوميتەتى مەن قر ەكولوگيا, گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتىمەن جابايى فاۋنانىڭ ەپيزووتيالىق مونيتورينگى, سىنامالاردى ىرىكتەۋ جانە زەرتحانالىق زەرتتەۋلەر جۇرگىزۋ تۋرالى مەموراندۋم جاسالدى. كەلىسىم نەگىزىندە "ۆەتەريناريا بويىنشا ۇلتتىق رەفەرەنتتىك ورتالىق" شجق رمك قىزمەتكەرلەرى اعىمداعى جىلدىڭ 3 جەلتوقسانىندا شوشقانىڭ افريكالىق وباسىنا زەرتتەۋ جۇرگىزۋ ءۇشىن جابايى قابانداردان سىنامالار الۋ ماقساتىندا سولتۇستىك قازاقستان جانە پاۆلودار وبلىستارىنا جىبەرىلدى.
قازاقستان رەسپۋبليكاسىنىڭ رەسەيمەن مەملەكەتتىك شەكاراسىنىڭ وتكىزۋ پۋنكتتەرىندە اۆتوكولىك قۇرالدارى مەن جولاۋشىلاردىڭ قول جۇگىن تەكسەرۋدى ۇيىمداستىرۋ ءۇشىن اشم ۆەتەريناريالىق باقىلاۋ جانە قاداعالاۋ كوميتەتى ءىىم اكىمشىلىك پوليتسيا كوميتەتىنە, يدم كولىك كوميتەتىنە, قارجى مينيسترلىگىنىڭ مەملەكەتتىك كىرىستەر كوميتەتىنە جانە ۇقك شەكارا قىزمەتىنە حاتتار جولدادى.
ەلىمىزدىڭ اۋماعىنداعى ەپيزووتيالىق جاعداي قر اشم ۆەتەريناريالىق باقىلاۋ جانە قاداعالاۋ كوميتەتىنىڭ قاتاڭ باقىلاۋىندا.
