«بارىس» ءۇشىن بۇل باسەكە ءساتسىز باستالدى. كەزدەسۋدىڭ 4-مينۋتىندا لينۋس حۋلتسترەم ەسەپ اشسا, ۇزىلىستەن كەيىن كاسپارس داۋگاۆينش ەكىنشى شايبانى قاقپاعا ەنگىزدى. ەلوردالىق حوككەيشىلەر تەك ەكىنشى كەزەڭنىڭ سوڭىندا عانا ەسەپ ايىرماشىلىعىن قىسقارتا الدى. 39-مينۋتتا مەتت فرەتتين نىسانانى ءدال كوزدەسە, ءۇشىنشى كەزەڭنىڭ ءۇشىنشى مينۋتىندا نيكيتا ءميحايليستىڭ كرەمەت پاسىنان كەيىن رومان ستارچەنكو تارازى باسىن تەڭەستىردى – 2:2. بۇل ەسەپ ماتچتىڭ سوڭىنا دەيىن ساقتالدى. وۆەرتايمدا قوس كوماندا ءبىر-ءبىرىنىڭ وسال تۇسىن تابا المادى. ال بۋلليت سوعۋ بارىسىندا «بارىستىڭ» باعى جاندى – 3:2.
وسى كۇنگە دەيىن 30 كەزدەسۋ وتكىزگەن «بارىستىڭ» ەنشىسىندە 33 ۇپاي بار. ولار تۇراقتى بىرىنشىلىكتىڭ جارىس كەستەسىندە 18 ورىنداپ تۇر. ءوزىنىڭ كەلەسى كەزدەسۋىن ەلوردالىق كلۋب 11 جەلتوقساندا تومەنگى نوۆگورودتىڭ «تورپەدوسىنا» قارسى وتكىزەدى.
