چەمپيون كوماندانىڭ باس باپكەرى ۆيكتور جەۆاگين پاندەميا سالدارىنان بولعان ءۇزىلىستىڭ سپورتشىلاردىڭ دايىندىعىنا وزىندىك اسەرىن تيگىزبەي قويماعانىن اتاپ ءوتتى.
– دەگەنمەن قىزدارىمىز جيىلىپ قالعان كۇش-قۋاتتى تۇركىستاندا وتكەن چەمپيونات بارىسىندا جارقىراتا كورسەتتى. مىقتى دەگەن قارسىلاستارىنىڭ ءبارىن تىزە بۇكتىردى. كوماندا جاس, بولاشاعى الدا. ونىڭ قۇرامىندا قاراعاندىنىڭ عانا ەمەس, جەزقازعان, اباي جانە ساران قالالارىنىڭ تالانتتى باسكەتبولشى قىزدارى ونەر كورسەتتى, – دەيدى ول.
چەمپيونات قورىتىندىسىندا قاراعاندى وبلىسى قۇراماسىنىڭ ءمادينا راحىمبەرديەۆا, اسىلجان مايلىباەۆا سىندى ويىنشىلارى ءتۋرنيردىڭ ۇزدىك باسكەتبولشىلارى اتاندى. ال كوماندانىڭ التى بىردەي مۇشەسى «سپورت شەبەرى» ءنورماتيۆىن ورىنداۋعا ءبىر قادام جاقىندادى.
ايتا كەتۋ كەرەك, قاراعاندىدا كاسىپقوي باسكەتبول كلۋبى بيىلعى جىلدىڭ ناۋرىز ايىندا قۇرىلعان بولاتىن. وبلىستىڭ ەرەسەك قىزدار كومانداسى قازاقستاننىڭ جوعارى ليگاسىندا ءبىرىنشى تۋر ويىندارىن وتكىزدى. بۇدان بولەك ولار قازاقستان رەسپۋبليكاسىنىڭ فەدەراتسيا كۋبوگى سىنىنا قاتىسىپ, جۇلدەلى ەكىنشى ورىن الدى. ال ەرلەر قۇراما كومانداسى ەل بىرىنشىلىگىنىڭ تۋرنير كەستەسىندە ءۇشىنشى ساتىدا تۇر.
قاراعاندى وبلىستىق دەنە شىنىقتىرۋ جانە سپورت باسقارماسىنىڭ باسشىسى تەمىرحان ابىلاەۆ كاسىپقوي كلۋبتىڭ قۇرىلۋى جەرگىلىكتى تالانتتى جاس سپورتشىلاردىڭ باسقا ايماقتارعا اۋىسىپ كەتپەۋىنە يگى اسەرىن تيگىزگەنىن ايتادى.
– بۇعان دەيىن وزگە وڭىرلەرگە كەتىپ قالعان سپورتشىلارىمىز سول جەردە جەتەكشى ويىنشىلارعا اينالىپ وتىردى. ال كلۋب قۇرىلعاننان بەرى جاعداي وزگەردى. ءوزىمىز تاربيەلەپ وسىرگەن جاستارىمىز شەبەر ويىندارىمەن قۋانتىپ, ءتاۋىر ناتيجەلەرگە قول جەتكىزە باستادى. بۇل جەردە وبلىس باسشىلىعىنىڭ ءبىزدىڭ باستامالارىمىزعا كورسەتىپ وتىرعان قولداۋىن ايتا كەتكەن ءجون. سونداي-اق ۆيكتور جەۆاگين سىندى ءوز ىسىنە شىن بەرىلگەن ماماندار مەن جاتتىقتىرۋشىلاردىڭ بۇل ءىستىڭ ناتيجەلى بولۋىنا قوسقان ۇلەستەرى وتە قوماقتى بولدى, – دەيدى ت.ابىلاەۆ.
وبلىس سپورتىنىڭ باسشىسى جەڭىمپاز كوماندا مەن ونىڭ تالىمگەرىن ارنايى قابىلداپ, قازاقستان چەمپيوناتىنداعى تولايىم تابىسپەن قۇتتىقتادى.
قاراعاندى وبلىسى
