دەر كەزىندە جاسالعان شۇعىل مەديتسينالىق كومەكتىڭ ارقاسىندا جۇكتى ايەل دەنى ساۋ قىز بالانى دۇنيەگە اكەلدى. قازىرگى تاڭدا بوسانعان ايەلدىڭ جاعدايى قاناعاتتانارلىق, پەرزەتحانادا دارىگەرلەردىڭ باقىلاۋىندا. نارەستەنىڭ دە جاعدايى جاقسى.
جالپى, سايرام اۋدانىندا بۇل پاندەميا باستالعالى كوروناۆيرۋس ينفەكتسياسىنىڭ سيمپتومسىز ءتۇرى انىقتالعان 6-شى جۇكتى ايەلدىڭ بوسانۋى. بوسانعان ايەلدەر دەرتتى جەڭىپ, ديسپانسەرلىك ەسەپتەن الىنعان.
الەمدىك دەڭگەيدە قاۋىپ ءتوندىرىپ, ادامزات بالاسىنىڭ الدىن وراعان اۋرۋعا بايلانىستى جاريالانعان كارانتيندىك رەجيمگە قاراماستان دارىگەرلەردىڭ كاسىبيلىگىنىڭ ناتيجەسىندە جىل باسىنان بەرى سايرام اۋداندىق پەرزەنتحاناسىندا جالپى 3795 ءسابي دۇنيەگە كەلگەن. ولاردىڭ 500-دەن استامى وتا ارقىلى تۋىلعان. اۋدان حالىق تىعىز ورنالاسقان ايماقتار قاتارىنا جاتقاندىقتان جىل سايىن 4000-عا جۋىق ءسابي دۇنيەگە كەلەدى.
