«قازىرگى تاڭدا ءبىز Bilim All IT وقۋ ورتالىعىن اشتىق. قالادا ۇيىمداستىرىلىپ جاتقان «30 يگى ءىس» شاراسىنا قاتىسۋدامىز. ءبىز كوپبالالى وتباسىلار بالالارىن تەگىن وقىتامىز. دەمەۋشىلەر تاۋىپ, قارجىلاي كومەك كورسەتىپ, ازىق-ت ۇلىك سەبەتتەرىن تاراتامىز. وتكىزىلىپ جاتقان اتالمىش شاراعا بەلسەنە اتسالىسىپ جاتىرمىز», – «Strong mothers NS» قورىنىڭ قۇرىلتايشىسى ۇلجان مىرزاگەلديەۆا.
ورتالىقتا از قامتىلعان, كوپ بالالى جانە تولىق ەمەس وتباسىلار مەن قولداۋعا مۇقتاج وتباسىلاردان شىققان وقۋشىلار ءتۇرلى كۋرستار بويىنشا تەگىن قوسىمشالارعا قاتىسا الادى. Bilim All ورتالىعىندا ۇزارتىلعان كۇن توپتارى, ورىس, قازاق, اعىلشىن جانە اراب تىلدەرى, ماتەماتيكا كۋرستارى, شاحمات ۇيىرمەسى, شىعارماشىلىق شەبەرحانا, گيتارا جانە دومبىرا ساباقتارى ۇيىمداستىرىلعان.
«بىزدە كوپبالالى وتباسىلاردىڭ بالالارىنا اعىلشىن ءتىلى ساباعى ەكى اۋىسىمدا, تەگىن وتكىزىلەدى. ساباق ناقتى باعدارلاما نەگىزىندە بەرىلەدى. بالالاردى ءتىل ءبىلۋ دەڭگەيىنە, جاس توپتارىنا بايلانىستى بولەمىز. باستاۋىش سىنىپتا وقيتىن بالالار ءۇشىن وقۋ قيىن, سوندىقتان باسىمدىلىق سوعان بەرىلەدى. ال ورتا بۋىنعا گرامماتيكا, سوزدەر ۇيرەتۋگە كومەكتەسەمىز», – دەيدى اعىلشىن ءپانى مۇعالىمى گۇلناز ماقاتوۆا.
ەسكە سالا كەتەيىك, قازاقستان تاۋەلسىزدىگىنىڭ 30 جىلدىعى قارساڭىندا ەلوردادا «30 يگى ءىس» ۇرانىمەن الەۋمەتتىك جانە قايىرىمدىلىق ءىس-شارالارى وتۋدە. بۇل ەستافەتاداعى ەڭ باستى ماقسات – قالا مەن ونىڭ تۇرعىندارى ءۇشىن يگى ءىس جاساۋ.
قالا تۇرعىندارى ەستافەتاعا قوسىلىپ, اكتسيا اياسىندا ءوز اككاۋنتتارىندا #مەيىرىمدىبولۋادەت, #دوبروتاوبرازجيزني #مودنوبىتدوبرىم حەشتەگىمەن اقپارات نەمەسە بەينە جاريالاي الادى.
