پاندەميا مەن توتەنشە جاعداي كەزىندە ەرىكتىلەر ولشەۋسىز زور ەڭبەك ەتتى. ەلوردادا 25-تەن استام ەرىكتىلەر قوزعالىسى بار. وعاگ قالادا 14 مىڭنان استام ادام بەلسەندى قاتىسادى. قالالىق شتابتىڭ وزىندە 2,5 مىڭنان استام ادام بار. ولاردىڭ 500-ءى ۇزدىكسىز, الەۋمەتتىك, ەكولوگيالىق جانە باسقا شارالارعا قاتىسادى.
قازىرگى ۋاقىتتا ۆولونتەر بولعىسى كەلەتىن ازاماتتار سانىنىڭ ءوسۋى بايقالادى. ماسەلەن, بيىل قىركۇيەكتەن باستاپ قالالىق شتابتىڭ ەرىكتىلەر مەكتەبىندە 300 ادام وقىتىلدى.
«ەگەر بۇرىن بۇل نەگىزىنەن جاستار بولسا, كوكتەمدە بولعان پاندەميا جاعدايىندا بىزگە كوپتەگەن ەرەسەكتەر قوسىلدى. بىراق بۇل اعا ۇرپاق بۇرىن قالانىڭ قوعامدىق ومىرىنە قاتىسپادى دەگەن ءسوز ەمەس. ولار نەگىزىنەن قايىرىمدىلىق جۇمىستارىمەن اينالىسقان - قايىرىمدىلىق جاسادى, قارجىلاي كومەكتەستى. ەندى ولار كوپ فيزيكالىق كومەك كورسەتە باستادى - سەبەتتەردى جەتكىزەدى, جينايدى, ەكولوگيالىق كامپانيالارعا قاتىسادى», - دەپ اتاپ ءوتتى «استانا جاستارى» جاستار رەسۋرستىق ورتالىعى.
ەلوردالىق ەرىكتىلەر شتابى ءارتۇرلى باعىتتا جۇمىس ىستەيدى. مىسالى, «قامقورلىق مەكەن-جايلارى» جوباسى اياسىندا جىگىتتەر جالعىزباستى زەينەتكەرلەر مەن ارداگەرلەرگە اۋلالاردى قاردان, پاتەرلەر مەن اۋماقتى تۇرمىستىق قالدىقتاردان تازارتۋدا, كوكونىس باقتارىن وتىرعىزۋعا دايىنداۋدا كومەكتەسەدى.
قازاقستان رەسپۋبليكاسى تاۋەلسىزدىگىنىڭ 30 جىلدىعى قارساڭىندا «30 يگى ءىس» اكتسياسىنا «استانا جاستارى» جاستار رەسۋرستىق ورتالىعى ەرىكتىلەرى قوسىلدى. اكتسيا شەڭبەرىندە ولار مۇقتاج وتباسىلارعا كومىر تاسىمالداۋعا كومەكتەسەدى, پاندەميانىڭ الدىن الۋ ءۇشىن ماسكالار تاراتادى, ۇيلەردى جوندەۋگە كومەكتەسەدى, ال زەينەت جاسىنداعى ادامدارعا قىستا وتىن دايىندايدى.
ەستەرىڭىزگە سالا كەتەيىك, ەلدە توتەنشە جاعداي ەنگىزىلگەننەن كەيىن قالالىق شتاب جەدەل رەجيمدە جۇمىس ىستەدى. وسى ۋاقىتتا ەرىكتىلەر مۇقتاج وتباسىلارعا ازىق-ت ۇلىك سەبەتتەرىن قاجەتتى زاتتارمەن جانە انتيسەپتيكپەن قامتاماسىز ەتىپ, مەملەكەتتىك الەۋمەتتىك كومەكتى تاراتۋ ءۇشىن جالداندى. سونداي-اق بالالار اۋداندىق ەمحانالاردا ەسەپتە تۇرعان مۇمكىندىگى شەكتەۋلى, ەگدە جاستاعى ادامدارعا قاجەتتى ءدارى-دارمەكتەردى جەتكىزۋمەن اينالىستى. كارانتين رەجيمىن بۇزۋشىلارعا تۇسىندىرمە جۇمىستارى كەزىندە ەلوردالىق پوليتسيا دەپارتامەنتىنىڭ وكىلدەرىنە دە قولداۋ كورسەتىلدى. بانك فيليالدارىندا ەرىكتىلەر الەۋمەتتىك قاشىقتىقتى ەسكەرە وتىرىپ كەزەك ۇيىمداستىردى. مەديتسينالىق ەرىكتىلەر COVID-19 ناۋقاستارىمەن جۇمىس جاسايتىن دارىگەرلەرگە اقىسىز كومەكتەستى.
بۇعان دەيىن ەرىكتىلەر ارىستى قالپىنا كەلتىرۋگە كومەكتەستى, ماقتاارال وڭىرىندەگى تاسقىن سۋدان زارداپ شەككەندەرگە گۋمانيتارلىق كومەك جينادى, قازاقستان استاناسىندا وتكەن حالىقارالىق ءىس-شارالارعا قاتىستى.
