قوعام • 05 جەلتوقسان، 2020

"اقپاراتتىق قاۋىپسىزدىك نۇر-سۇلتان-2020" وقۋ-جاتتىعۋى وتەدى

28 رەت كورسەتىلدى

تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىمەن بىرگە 2020 جىلعى 6 جەلتوقساننان باستاپ نۇر-سۇلتان قالاسىندا وتەتىن "كيبەر-قاۋىپسىزدىك نۇر-سۇلتان-2020" وقۋ-جاتتىعۋى تۋرالى حابارلايدى.

وسى جىلى پاندەمياعا جانە قاشىقتىقتان جۇمىس تۇرلەرىنە وتۋىنە بايلانىستى ەلدىڭ تسيفرلىق كەڭىستىگىنە كيبەرشابۋىلدار جيىلەۋدە.

اتاپ ايتقاندا، 2020 جىلى وتكەن جىلدىڭ ۇقساس كەزەڭىمەن سالىستىرعاندا ينتەرنەتتىڭ قازاقستاندىق سەگمەنتىندەگى كيبەرشابۋىلداردىڭ سانى 2،7 ەسەگە جۋىق ءوستى.

كيبەرقاۋىپتەردەن قورعاۋعا اقپاراتتىق قاۋىپسىزدىكتىڭ ۇلتتىق ۇيلەستىرۋ ورتالىعى، كيبەرشابۋىلداردى تالداۋ جانە تەرگەۋ ورتالىعى جانە "قازاقستاننىڭ كيبەرقالقانى" جۇيەسى، سونداي-اق اكيامو-نىڭ اقپاراتتىق قاۋىپسىزدىكتىڭ جەدەل ورتالىقتارى مەن بايلانىس وپەراتورلارىنىڭ، مەملەكەتتىك ورگاندار مەن جەكە كومپانيالاردىڭ اقپاراتتىق قاۋىپسىزدىگىن قامتاماسىز ەتۋ جونىندەگى بولىمشەلەرىنىڭ كۇشتەرى مەن قۇرالدارى تارتىلاتىن بولادى.

كيبەرقاۋىپسىزدىك وقۋ-جاتتىعۋلارىن وتكىزۋ كەزەڭىندە كەيبىر شەتەلدىك ينتەرنەت-رەسۋرستارعا قول جەتكىزۋدە ءتۇرلى پروبلەمالار تۋىنداۋى مۇمكىن. ونى قاۋىپسىزدىك سەرتيفيكاتىن ورناتۋ ارقىلى جويۋعا بولادى.

قاۋىپسىزدىك سەرتيفيكاتتى ورناتۋ بويىنشا تولىق اقپارات الۋ ماقساتىندا بايلانىس وپەراتورلارىنا ولاردىڭ رەسمي ينتەرنەت-رەسۋرستارىنا جانە تەحنيكالىق قولداۋ قىزمەتتەرىنە جۇگىنۋ قاجەت.

سوڭعى جاڭالىقتار

ۇقساس جاڭالىقتار