قوعام • 05 جەلتوقسان، 2020

كاسىپكەرلەر بيزنەسىن دامىتۋعا كورسەتىلگەن قولداۋ تۋرالى ايتتى

13 رەت كورسەتىلدى

ەلوردا تۇرعىنى تەمىرلان ورمانقۇلوۆ بالالارعا ارناپ مۋزىكا مەكتەبىن اشۋدى ارمانداعان. جاس كاسىپكەر بالالاردىڭ ونەرگە دەگەن شىنايى قۇلشىنىسى بيزنەسىن دامىتۋعا تۇرتكى بولعانىن ايتادى. كاسىپتى دامىتۋعا ارنالعان «بيزنەستىڭ جول كارتاسى» بويىنشا بولىنەتىن گرانتتار تۋرالى ەستىگەن ول مۇمكىندىكتى پايدالانۋعا شەشىم قابىلداعان، دەپ حابارلايدى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.

«ماعان 5 ميلليون تەڭگە ۇتىپ العانىمدى ايتقان كەزدە قاتتى تاڭ قالدىم. بانكتەرمەن بۇل ماسەلەدە قيىنىراق، ويتكەنى كوپتەگەن جاستاردىڭ كەپىلگە قوياتىن مۇلكى جوق. «بيزنەستىڭ جول كارتاسى» گرانتىن جەڭىپ الدىڭىز دەگەندى ەستۋ – ەڭ كەرەمەت سەزىم. بۇل شىنىمەن دە كوپشىلىك ءۇشىن ءوز بيزنەسىن العا جىلجىتۋدىڭ ۇلكەن مۇمكىندىگى»، - دەيدى تەمىرلان ورمانقۇلوۆ.

كاسىپكەر دينارا سۇيناليەۆانىڭ جاسوسپىرىمدەرگە سپورتتىق كيىم تىگەتىن شەبەرحاناسى بار. قازىرگى جاستار ەرەكشە بولعىسى كەلەدى، دەمەك ولاردىڭ تالعامىنا جاۋاپ بەرۋ كەرەك. ىسكەر ايەل «بيزنەستىڭ جول كارتاسى - 2025» باعدارلاماسى بويىنشا گرانت بايقاۋىنا قاتىسۋعا شەشىم قابىلداعان.

«2020 جىلى بىزگە 5 ميلليون تەڭگە ويناتىلىپ جاتقانىن ايتقان كەزدە، بىزدە سپورتتىق كيىمگە ورنەك سالۋ جەتىسپەيتىنىن ءتۇسىندىم. قازىرگى ۋاقىتتا جاسوسپىرىمدەرگە ارنالعان سپورتتىق كيىمدەر تىگۋدەمىز. جاستار كوزگە تۇسكەندى، ەرەكشە بولعاندى قالايدى. سوندىقتان «بيزنەستىڭ جول كارتاسى» شەڭبەرىندە ماعان بولىنگەن 5 ميلليون تەڭگە گرانتىنا ماتاعا باسىپ شىعاراتىن جانە ەكى تىگىن ماشيناسىن ساتىپ الدىم. ءوندىرىس باستالدى. ءبىز ءارى قاراي جۇمىس ىستەۋگە، ەكى تىگىنشى الۋعا دايىنبىز. قازىردىڭ وزىندە جۇمىسپەن قامتۋ ورتالىعىنا جۇگىندىك. شاعىن جانە ورتا بيزنەس يدەياسىن جۇزەگە اسىرۋعا، بيزنەستى جالعاستىرۋعا وسىنداي مۇمكىندىك بولعانىنا قۋانىشتىمىن. سەبەبى سول كەزدەگى جابدىقپەن، مەن، وكىنىشكە قاراي، بۇلاي ءىسىمدى دوڭگەلەتە الماس ەدىم»، - دەپ اتاپ ءوتتى دينارا سۇيىناليەۆا.

ايتا كەتەيىك، «بيزنەستىڭ جول كارتاسى» باعدارلاماسى قازاقستاندا 2010 جىلدان بەرى جۇمىس ىستەيدى. ونىڭ ءبىر باعىتىن اكىمدىكتەر قاداعالايدى. جەرگىلىكتى اتقارۋشى ورگاندار بيزنەستى گرانتتارمەن جانە ينفراقۇرىلىمدىق كومەكپەن قولدايدى. گرانتتار كونكۋرسىنا كاسىپكەرلەر دە، ءوز بيزنەسىن اشقىسى كەلەتىن قازاقستاندىقتار دا، ونىڭ ىشىندە ايەلدەر، مۇگەدەكتەر جانە 50 جاستان اسقان ادامدار دا قاتىسا الادى. بيىل ەلوردادا 57 بيزنەس-جوبا گرانتتارمەن قولداۋ تاپتى.

سوڭعى جاڭالىقتار

ۇقساس جاڭالىقتار