قوعام • 05 جەلتوقسان، 2020

“جۇرەكتەن جۇرەككە” اكتسياسى اياسىندا 30 اسكەري-دارىگەرلەرگە ازىق-ت ۇلىك سەبەتتەرى تاراتىلدى

19 رەت كورسەتىلدى

«جاس سارباز» جاسوسپىرىمدەر اسكەري-پاتريوتتىق قوزعالىسى رەسپۋبليكالىق قوعامدىق بىرلەستىگى نۇر-سۇلتان قالالىق فيليالى، قر قك اسكەري-پاتريوتتىق ورتالىعىنىڭ قولداۋىمەن، «جۇرەكتەن-جۇرەككە مەيىرىمدىلىك سىيلايىق» اكتسياسى اياسىندا، “Magnum” ساۋدا-ساتتىق ورتالىعىمەن بىرلەسە وتىرا، تاۋەلسىزدىگىمىزدىڭ 30 جىلدىعىنا وراي، قر قورعانىس مينيسترلىگى اسكەري مەديتسينا قىزمەتكەرلەرىنە 30 ازىق-ت ۇلىك سەبەتتەرى تاراتىلدى، دەپ حابارلايدى Egemen.kz.

«مۇنداي اكتسيالار ءبىرىنشى رەت وتكىزىلىپ وتىرعان جوق. كارانتين ۋاقىتىندا، ۆيرۋستىڭ الدىن الۋ جولىندا ايانباي ەڭبەك ەتكەن دارىگەرلەرگە بارىنشا قولداۋ كورسەتۋ ءبىزدىڭ قولىمىزدا. “جاس سارباز” قوزعالىسىنىڭ مۇشەلەرى ءۇشىن ەل ريزاشىلىعىنان ارتىق سىي جوق. ءبىز وسىنداي يگى ىستەردى اتقارۋدان ەشقاشان جالىقپايمىز جانە بارشا جاناشىر جانداردى قاتارىمىزعا قوسىلۋعا شاقىرامىز.»، - دەيدى «جاس سارباز» جاسوسپىرىمدەر اسكەري-پاتريوتتىق قوزعالىسى رەسپۋبليكالىق قب نۇر-سۇلتان قالالىق فيليالىنىڭ توراعاسى نالشىبەك اسحات باعدات ۇلى.

ەسكە سالا كەتەيىك، قازاقستان تاۋەلسىزدىگىنىڭ 30 جىلدىعى قارساڭىندا ەلوردادا «30 يگى ءىس» ۇرانىمەن الەۋمەتتىك جانە قايىرىمدىلىق شارالار ءوتىپ جاتىر. ەستافەتادانىڭ باستى ماقساتى قالا مەن ونىڭ تۇرعىندارى ءۇشىن جاقسىلىق جاساۋ.

سوڭعى جاڭالىقتار

ۇقساس جاڭالىقتار